Шу ҳафтада Apple компанияси WWDC 2021 доирасида кузда iPhone 13 линейкаси смартфонларида ишга тушириладиган ўзининг янги iOS 15 операцион тизимини расман тақдим этди, деб хабар беради IXBT.

Фото: IXBT

Ҳозирга қадар янги линейкадан ўрин оладиган смартфонларнинг тасвирлари бир неча бор интернетда тарқалиб улгурди, бироқ бу сафар манбалар барча iPhone 13 моделларининг нархлари, тезкор ва ички хотираларига оид маълумотлар билан бўлишди.

Инсайдерларга ишониладиган бўлса, iPhone 13 Pro Max’га 6 гигабайтли тезкор хотира ўрнатилади. iPhone 13 мини ва iPhone 13 фойдаланувчиларга 64, 128 ёки 256 гигабайтга эга ички хотираларда тақдим этилади, iPhone 13 Prо ва iPhone 13 Pro Max эса 128, 256, 512 гигабайт ва 1 терабайт ички хотирага эга бўлиши кутилмоқда.

Фото: IXBT

iPhone 13 mini нархлари 64, 128 ва 256 гигабайтга мос равишда 700, 750 ҳамда 800 долларни ташкил этади. iPhone 13 — 800, 850 ва 950 доллар, iPhone 13 Prо — 1050, 1150, 1350 ёки 1500 доллар. iPhone 12 Pro Max’нинг бошланғич нархи 1150 доллар бўлади, топ версиясининг қиймати эса 1600 долларга етади.

iPhone 13 линейкасида Apple А15 бир кристалли тизим базасида яратилиши керак. iPhone 13 Prо ва iPhone 13 Pro Max 120 герцли тасвир янгиланиш частотасига эга Samsung AMOLED экранларига эга бўлиши кутилмоқда.

Янги смартфонлар линейкасининг тақдимоти 2021 йилнинг сентябрь ойига режалаштирилган.

Аввалроқ Counterpoin Research таҳлилий компанияси дунёда қанча фаол iPhone моделлари борлигини ва уларнинг қайси бири 2021 йилда энг оммалашганини ҳисоблаб чиққани тўғрисида хабар берилганди.