Shu haftada Apple kompaniyasi WWDC 2021 doirasida kuzda iPhone 13 lineykasi smartfonlarida ishga tushiriladigan o‘zining yangi iOS 15 operatsion tizimini rasman taqdim etdi, deb xabar beradi IXBT.
Hozirga qadar yangi lineykadan o‘rin oladigan smartfonlarning tasvirlari bir necha bor internetda tarqalib ulgurdi, biroq bu safar manbalar barcha iPhone 13 modellarining narxlari, tezkor va ichki xotiralariga oid ma’lumotlar bilan bo‘lishdi.
Insayderlarga ishoniladigan bo‘lsa, iPhone 13 Pro Max’ga 6 gigabaytli tezkor xotira o‘rnatiladi. iPhone 13 mini va iPhone 13 foydalanuvchilarga 64, 128 yoki 256 gigabaytga ega ichki xotiralarda taqdim etiladi, iPhone 13 Pro va iPhone 13 Pro Max esa 128, 256, 512 gigabayt va 1 terabayt ichki xotiraga ega bo‘lishi kutilmoqda.
iPhone 13 mini narxlari 64, 128 va 256 gigabaytga mos ravishda 700, 750 hamda 800 dollarni tashkil etadi. iPhone 13 — 800, 850 va 950 dollar, iPhone 13 Pro — 1050, 1150, 1350 yoki 1500 dollar. iPhone 12 Pro Max’ning boshlang‘ich narxi 1150 dollar bo‘ladi, top versiyasining qiymati esa 1600 dollarga yetadi.
iPhone 13 lineykasida Apple A15 bir kristalli tizim bazasida yaratilishi kerak. iPhone 13 Pro va iPhone 13 Pro Max 120 gertsli tasvir yangilanish chastotasiga ega Samsung AMOLED ekranlariga ega bo‘lishi kutilmoqda.
Yangi smartfonlar lineykasining taqdimoti 2021-yilning sentabr oyiga rejalashtirilgan.
Avvalroq Counterpoin Research tahliliy kompaniyasi dunyoda qancha faol iPhone modellari borligini va ularning qaysi biri 2021-yilda eng ommalashganini hisoblab chiqqani to‘g‘risida xabar berilgandi.
Izoh (0)