Дмитрий Гилитуха — таниқли фотограф бўлиб, экзотик мамлакатларга қилган экспедицияларидаги фотосуратлари муаллифни машҳур қилган.

Дмитрий Осиёда 210 кун, шу жумладан, Вьетнамда бир ой бўлган. Ушбу сафар давомида у диққатга сазовор жойларни суратга олган бўлиб, шулардан бир нечтасини эътиборингизга ҳавола қиламиз.

Фото: Depositphotos

Фото: Depositphotos

Фото: Depositphotos

Вьетнам Дмитрийнинг Осиё бўйлаб катта сафари давомида ташриф буюришни режалаштирган мамлакатлар рўйхатида эди. У мамлакатнинг жанубидан шимолга саёҳат қилиб, кичик ва ранг-баранг аҳоли пунктларида бўлди. Фотосуратчи Хошимин, Ханой, Кан Тхо каби йирик шаҳарларга ҳам ташриф буюрди. Буларнинг барчаси унинг суратларида акс этган.

Фото: Depositphotos

Фото: Depositphotos

Фото: Depositphotos

Фото: Depositphotos

Дмитрий ўз саёҳатини Меконг делтаси яқинидаги сувда сузувчи бозори билан машҳур бўлган Кай Ранг қишлоғидан бошлади. Кейин у шимолга, Хой Аннинг шинам шаҳарчасига борди, у ерда мазали таомлар ва ёқимли муҳитдан баҳраманд бўлиш учун бироз тўхтади.

Фото: Depositphotos

Фото: Depositphotos

Дмитрийнинг саёҳатидаги муҳим нуқта — Ҳалонг кўрфазидаги Катба ороли эди. Ушбу ҳудуд ЮНЕСКОнинг Бутунжаҳон мероси рўйхатига киритилган. Кўрфаз баланд манзарали тошлар билан ўралган, суви эса кристаллдек тиниқ ва тоза.

Фото: Depositphotos

Фото: Depositphotos

Ҳалонг кўрфазига бутун дунё бўйлаб саёҳатчилар ажойиб манзараларни кўриш, қайиқда сайр қилиш, пляжда дам олиш ва балиқдан тайёрланадиган маҳаллий таомлардан татиб кўриш учун келишади.

Фото: Depositphotos

Фото: Depositphotos

Вьетнамда сайёҳлар учун барча шарт-шароитлар яратилган. Ҳатто пули кам бўлган тажрибасиз саёҳатчида ҳам ушбу мамлакат маданияти ва табиати билан танишиш имконияти мавжуд. Бу ерда тунаш ва овқатланиш бошқа мамлакатларга нисбатан анча арзон.

Фото: Depositphotos

Фото: Depositphotos

Фото: Depositphotos

Вьетнамда мустақил ҳолда саёҳат қилиш жуда осон. Ривожланган транспорт тизими имкон қадар кўпроқ шаҳарларни, аҳоли пунктларини ва туристик жойларни кўриш имкониятини беради. Масалан, ухлаб кетиш мумкин бўлган автобуслар мавжуд бўлиб, уларда мамлакат бўйлаб саёҳат қилиш жуда қулайдир.

Фото: Depositphotos

Фото: Depositphotos

Фото: Depositphotos

Фотосуратчи сифатида у Вьетнамга июнь ойида, қуёшли кунлар кўп вақтда ва гуруч далалари ниҳоятда чиройли бўлганда боришни маслаҳат беради. Саёҳатчи сифатида эса у ерда яшайдиган ажойиб одамлар орқали ушбу мамлакат билан танишишни тавсия қилади.