Миср харитасида янги, шу билан бирга, шунчаки беш юлдузли бўлмаган меҳмонхона Rixos Premium Magawish Suites & Villas пайдо бўлди. Хургадада жойлашган мазкур масканнинг ойналаридан гўзал денгиз манзарасини кўриш мумкин.
Шаҳар ўртасида барпо этилган ҳашаматли меҳмонхона энг диди нозик мижознинг ҳам талабига жавоб бера олади. Унинг суратларига назар ташлаб, меҳмонхона номер фондининг нақадар хилма-хил эканини билиш мумкин.
Ташриф буюрган меҳмон хоҳишига кўра сют (бир нечта хонани ўз ичига оладиган, қулайликка эга номер) ёки виллаларни танлаши мумкин. Тўғридан-тўғри ҳовузга чиқиш мумкин бўлган ва қироллик услубида безатилган хоналар шулар жумласидан.
Люкс тоифасидаги Lagoon Swim-up Suites ўз боғи, ҳовузи борлиги ва денгиз манзарасининг кўриниб туриши билан ўзига хос. Сайёҳ ва меҳмонларнинг ҳар бири бу ерда ўз хоҳишига кўра кўнгил ёзиши мумкин. 30 та ҳовуз ва узунлиги 1 километрни ташкил этадиган пляж дам олувчилар ихтиёрида бўлади. Бундан ташқари, спа-муолажалари, отда сайр қилиш мумкинлиги ҳам меҳмонхонанинг афзалликлари сирасига киради.
Болалар билан дам олиб бўлмайди деб ўйловчилар фикри у ерга боргандан кейин ўзгариши аниқ. Болалар учун мўлжалланган Rixy Club’да кичкинтойлар кун бўйи турли машғулотлар билан шуғулланиши, завқ олиши мумкин. Жисмоний фаол бўлишни ёқтирувчилар учун ҳам ўзига яраша қулайликлар бор. Ҳудудда ёга ва бошқа спорт турлари билан шуғулланиш, югуриш учун алоҳида майдон мавжуд.
Premium All Inclusive концепциясига асосан ташриф буюрувчилар куннинг исталган қисмида мазали таомларни истеъмол қилиши мумкин. Рихос Premium Магаwиш Суитес & Виллас бир-биридан ажойиб ва ўзига хос ресторанлар — туркча Лалезар, Бразилия ошхонаси — La Churrascaria, шунингдек, Salt, People’s ва Asian’ни ўз ичига олади. Ҳар бир ресторан муаллифлик таомлари ва бошқаларга ўхшамаган муҳити билан ажралиб туради. Меҳмонхона ҳудудида жойлашган жами 10 та барда эса меҳмонларга энг сара бренд маҳсулотлар таклиф қилинади.
Изоҳ (0)