Сайёҳлар оқими туфайли аҳолисининг тинчи ва экологияси бузилаётган 5 мамлакат

Туризм даҳшатли кучдир. У шундай кучдирки, мамлакат мавқейини яхшилашга, шунингдек, унинг экологиясини йўқ қилишга қодир. Сўнгги ўн йил ичида жуда кўп фильмлар суратга олинди. Энди «Сумерки» ва «Тахтлар ўйини» фильмидаги жойлар каби «Жокер»даги зиналар ҳам сайёҳлар рўйхатига қўшилди. Қуйида сайёҳлар томонидан хавф остида бўлган машҳур жойлар ҳақида маълумот берамиз.

Исландия

Сўнгги ўн йилликда Исландиядек машҳур жойни топиш қийин эди. Бироқ туризмнинг атроф-муҳитга ва маҳаллий аҳолининг ҳаёт сифатига салбий таъсиридан жиддий хавотирлар юзага кела бошлади.

Бу ҳолат аҳолиси атиги 360 минг кишилик мамлакатда жиддий иқтисодий муаммоларга сабаб бўлиши мумкин. Бундан ташқари, Мовий кўрфаз каби баъзи диққатга сазовор жойлар ҳаддан ташқари ифлосланган ҳисобланади.

Мальдив ороллари

Ҳозирги кунда Мальдив ороллари тропик ҳашамат рамзига айланган. Бу ердаги кўплаб уйлар маҳаллий аҳоли билан эмас, балки сайёҳлар билан тўлган. Бунинг оқибати атроф-муҳитнинг ифлосланишида намоён бўлмоқда. Бундан ташқари, иқлим ўзгариши ва денгиз сатҳининг кўтарилиши билан боғлиқ муаммолар ҳам мавжуд. Баъзи манбаларга кўра, мамлакатдаги кўплаб ороллар шу аср охиригача сув остида қолиши мумкин.

Амстердам, Голландия

Аввалига «Мен Амстердамман» инсталляцияси шунчаки рамзий ёзув эди, аммо шов-шувларга сабаб бўлгани туфайли олиб ташланди. Бу шаҳарда сал бўлса-да, сайёҳлар оқимини камайтириш учун қилинган. Бундан ташқари, 2020 йилдан бошлаб Амстердамнинг машҳур қизил чироқли мавзеси бўйлаб сайр қилиш ҳам тақиқланган.

Bronks, Нью-Йорк, АҚШ

«Жокер» фильмида маҳаллий мавзе зиналари тасвирга олингандан кейин кўплаб сайёҳлар Bronks тинчлигини буза бошлади. Ҳар бир сайёҳ шу зинада суратга тушиш учун тўхтайди. Улар яқин атрофдаги уйлар аҳолиси ҳар куни ушбу зинапоядан фойдаланишларини хаёлларига ҳам келтирмайди.

Петра, Иордания

«Индиана Жонс ва сўнгги салиб юришлари» фильмининг авж нуқтаси Иорданиянинг Петра шаҳрида суратга олинган. Хазина изловчиларнинг барча тасаввурларини уйғотишга қодир манзара. Бу жой ҳақиқатан ҳам сайёҳлар оқими тинмайдиган масканлардан бири ҳисобланади.