Инсонлар турли сабабларга кўра саёҳатга отланади, аммо ўзига хос архитектура билан бирга келажак ҳақида тасаввурга эга бўлишни истаганлар шубҳасиз Қатар томон йўл олади.
Миллий кутубхона
Фото: Travel Ask
Мазкур ўзига хос бино урбанистик йўналишда фаолият юритиши билан дунёга машҳур голландиялик архитектор Рем Колхас раҳбарлигида лойиҳалаштирилган. Электр қувватини тежаш ҳамда экологик бўлиши учун бино ҳайбатли шиша панеллардан ишланган бўлиб, бу кундузи бино ичи етарлича ёруғ бўлишига ҳисса қўшади.
Фото: Travel Ask
Интерьер ҳам оч рангдалиги ҳисобига ичкаридан қаралганда бино ҳудуди чексиздек кўринади. Миллиондан ортиқ китобларни ўз ичига оладиган мазкур кутубхонанинг 6 метр чуқурликда жойлашган ертўласида тарихий мерос тўплами мавжуд бўлиб, у ерда сақланадиган асарлар VII асрга оид. Бино нафақат замонавий архитектура асосида қурилгани, балки ўқувчилар учун инновацион хизматлар бор экани билан ҳам ўзига хосдир. У ердаги китоблар автоматик тарзда сараланади, ўқувчилар учун осма ўриндиқлар ва мустақил равишда рўйхатга олувчи қурилмалар мавжуд.
Al-Janoub стадиони
Фото: Travel Ask
Мазкур стадион келаси йил у бўлиб ўтадиган Жаҳон чемпионати ўйинларини ўтказиш учун махсус қурилган.
Фото: Travel Ask
Ташқаридан қараганда, елканни эсга соладиган Al-Janoub’нинг ички қисми бошқа стадионлардан фарқ қилмайди, аммо юқори қисмига назар ташланса, том қисмларининг қимирлашига гувоҳ бўлиш мумкин.
Nobu Doha ресторани
Фото: Travel Ask
Айнан ушбу муассаса ушбу тармоқдаги барча ресторанларнинг энг каттаси ҳисобланади. Ҳар бир деталга алоҳида эътибор қаратган тадбиркорлар интерьер борасида маҳаллий мотивлардан илҳомланилган.
Фото: Travel Ask
Айниқса, пойтахтда қазиб олиниши билан дунёга машҳур бўлган марваридларни учратиш мумкин. Ресторанда мазали овқатлар билан бирга шаҳар ва қирғоқнинг гўзал манзарасини завқ билан кузатиш мумкин.
