Ижтимоий тармоқларда Тошкентнинг Сергели туманида эшак аравада ҳаракатланаётган лўлиларни қуваётган ички ишлар органи ходими тасвирланган видео тарқалди.

Видеодан кўриш мумкинки, лўлилардан бири ерусти метро йўлининг устунлари оралаб қочиб кетган, ҳуқуқ-тартибот органи ходими эса унинг ортидан қувишга тушган. Аёл киши бошқарувидаги эшак арава эса катта тезликда автомобиль йўли бўйлаб ҳаракатланиб, кўздан ғойиб бўлган.

Аввалроқ Тошкентда Покистондан келган тиланчилар кўпайгани маълум қилинганди.

Эслатиб ўтамиз, 2019 йилнинг январида Шавкат Мирзиёев тиланчилик учун маъмурий ва жиноий жавобгарликни жорий этишни кўзда тутувчи қонунни имзолаганди. Қонунга мувофиқ, жамоат жойларида пул, озиқ-овқат маҳсулотлари ва бошқа моддий қимматликлар беришни фаол тарзда сўраб тиланчилик билан шуғулланиш, шундай қилмиш учун маъмурий жазога тортилади, маъмурий жазо қўлланилганидан кейин содир этилган бўлса, 240 соатгача мажбурий жамоат ишлари ёки 2 йилгача ахлоқ тузатиш ишлари ёхуд бир йилгача озодликни чеклаш ёки бир йилгача озодликдан маҳрум қилиш билан жазоланади.