Samarqandda MY5 telekanali jurnalistlariga tosh otgan lo‘li bolaning onasi kechirim so‘radi. Bu haqda viloyat IIB axborot xizmati tomonidan tayyorlangan lavhada so‘z boradi.
Ma’lum qilinishicha, Samarqandda aholi va turistlarga tilanchilik qilib, xalaqit berayotgan lo‘lilar IIO FMB 7-sonli ichki ishlar bo‘limi xodimlari tomonidan ushlanib, ular bilan profilaktik suhbatlar olib borilgan. Shuningdek, huquqbuzarlik sodir etgan lo‘lilar ma’muriy javobgarlikka torilgan. Bundan tashqari, MY5 telekanali ijodiy guruhi faoliyatiga xalaqit bergan lo‘li bolaning onasi barchadan kechirim so‘ragan.
“Mana shu mening o‘g‘lim bo‘ladi, bizdan so‘ramasdan ko‘chaga chiqib, odamlarning tinchini buzgan. Mana shunaqa narsalarni qilgan [kameraga tosh otgan — tahr.], uzr. Butun O‘zbekistondan kechirim so‘rayman”, — deydi bolaning onasi.
Ta’kidlanishicha, Samarqand viloyatining barcha shahar va tumanlarida lo‘lilarning boshqa fuqarolarga xalaqit berayotgani holati IIO xodimlari tomonidan doimiy nazoratga olingan.
Izoh (0)