Вазелин қиммат кремлардан ҳам яхшироқ таъсир қилиб, теридаги муаммоларни йўқотишга ҳисса қўшиши мумкин.
Қовжираган тери
Вазелинни икки хил мақсадда: олдини олиш ва ҳимоя учун ишлаца бўлади. Кўчага чиқишдан 10 дақиқа аввал суриладиган бўлса, юзга совуқ тегиши ва зарар етишининг олдини олиши мумкин. Уйга қайтганда эса тери ўша-ўша намланган ва яхши аҳволда бўлади. Совуқ таъсирида юзда пайдо бўладиган турли салбий ўзгариш ва чизиқларда эса вазелинни қалин қилиб суртиш керак. Теридаги муаммоларни йўқ қилиб, яллиғланишга сабаб бўладиган бактериялардан ҳимоя қилади.
Тирноқ, тирсак ва тиззанинг қуриши
Вазелин энг яхши бальзамдан ҳам яхшироқ намлантириш хусусиятига эга. Тирноқ, тирсак, лаб ва тиззаларнинг қуришида вазелин яхши самара беради. Бинолардаги қуруқ ҳарорат, кун давомида кийиладиган синтетик либосларнинг ҳам юзга салбий таъсири бўлади. Регенерация жараёнини тезлаштириш учун эса терининг муаммоли қисмига вазелин суртиб, қалин мато билан ўраб қўйиш керак. Муаммо оёқда бўлса, пайпоқ; қўлда бўлса, қўлқоп кийинг. Эрталаб ижобий ўзгаришдан лол қоласиз.
Экзема ва псориаз
Бундай касалликларда тери кучли, аммо шу билан бирга енгил парваришга муҳтож бўлади. Таркибида турли қўшимчалар бўлгани сабаб ҳамма крем ҳам тўғри келавермаслиги мумкин. Минерал ёғ ва парафин аралашмасидан ташкил топгани сабаб ҳам вазелин терини намлантирувчи энг яхши восита ҳисобланади.
Кўз яллиғланиши
Кўзларнинг ёшланиши, қизариши сингари муаммоларда ҳам вазелиндан фойдаланса бўлади. Кўзнинг пастки ва юқори қовоқ қисмига вазелин суртинг ва бироз кутинг. Бу усул терини шамол таъсирида келиб чиқиши мумкин бўлган ёшланишдан ҳимоя қилади.
Лаб қуриши
Қуриган лабларни намлантиришда вазелинга тенг келадигани йўқ. Таркибидаги ёғ ҳисобига терини озиқлантиради, парафин эса унинг қуришига йўл қўймайди.
Изоҳ (0)