Футбол бўйича Испания Ла Лигасининг 26-туридан ўрин олган бир қатор учрашувлар 6 март, шанба куни бўлиб ўтди.

Фото: Goal

«Барселона» сафарда «Осасуна»га қарши баҳс олиб борди. Учрашувнинг 30-дақиқасида Лионель Мессининг узатмасидан кейин Хорди Альба дарвозани аниқ нишонга олиб, ҳисобни очди. Биринчи бўлимда бошқа гол бўлмади.

Иккинчи бўлимнинг сўнгги дақиқаларига келиб Илайш Мориба «Барселона» сафидаги дебют голини уриб, якуний ҳисобни ўрнатди — 0:2.

Мазкур ғалабадан кейин «Барселона» очколарини 56 тага етказиб олди ва иккита захира ўйинига эга пешқадам «Атлетико»дан 2 очко ортда қолмоқда. «Осасуна» (28) эса 13-поғонадан жой олган.

«Осасуна» — «Барселона» учрашувида урилган голларни бу ерда кўриш мумкин — видео.

Ла Лига

26-тур баҳслари

6 март, шанба

«Осасуна» — «Барселона» 0:2

Голлар: 0:1 – 30 Альба, 0:2 – 83 Мориба.

«Осасуна»: Эррера, Санчес, Видаль, Аридане, Давид Гарсия, Торро (Ойер Санхурхо, 84), Монкайола, Рубен Гарсия (Адриан, 70), Роберто Торрес (Галего, 84), Барха (Хони Родригес, 62), Кальери (Будимир, 71).

«Барселона»: тер Штеген, Мингеса, Умтити (Дембеле, 46), Альба (Фирпо, 87), Дест, де Йонг, Бускетс (Мориба, 67), Педри (Пуч, 87), Лангле, Гризманн (Брэйтуэйт, 67), Месси.

Огоҳлантиришлар: Умтити (26), Фирпо (88).

«Элче» — «Севилья» 2:1

Голлар: 1:0 – 70 Гути, 2:0 – 76 Каррило, 2:1 – 90 де Йонг.

«Вальядолид» — «Хетафе» 2:1

Голлар: 1:0 – 14 Плано, 2:0 – 24 Вейсман, 2:1 – 37 Мата.

«Кадис» — «Эйбар» 1:0

Гол: 1:0 – 40 Негредо.

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!