Instagram: Жаҳонгир Отажонов Туркияга қочиб кетганми? Пластик операция қилдирганини тан олган хонанда, Умидалар туғилган кун

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

Хонанда Нигора фолловерларининг саволларига жавоб берар экан, қовоғини пластик операция орқали гўзаллаштирганини тан олди.

2 март хонандалар Умида Мирҳамидова ва Умидахонлар туғилган кунини нишонламоқда. Ўзбек шоу-бизнеси вакиллари ўз саҳифаларида уларга аталган дил сўзларини ёзиб қолдирмоқда.

Лола ҳам фолловерларини қизиқтирган саволларга жавоб берди. Унинг ҳеч қандай динга эътиқод қилмаслигини тахмин қилган мухлисининг ушбу фикри асоссиз бўлиб чиқди.

Муқаддас Саъдуллаева мухлисларини орзу қилишга чорламоқда.

Шоҳруҳхон ўғли билан сайрга чиқди.

Жаҳонгир Отажонов кузатувчиларининг «Президентликка номзодингизни қўйишингизни айтганингиздан сўнг сизга босимлар бўлдими? Шунинг учун Туркияга қочиб кетдингизми?» қабилидаги саволларига видеомурожаат орқали жавоб берди.

Хусусан, у ўзига нисбатан ҳеч қандай босим бўлмагани, фарзандларининг ҳужжати билан боғлиқ масалалар чўзилиб кетгани учун Истанбулда қолаётганини айтди.

Ижтимоий тармоқларда «Миллион» кулги жамоасининг концертдан сўнг банкети ҳамда жамоа аъзоси Миркомил Мусаевнинг туғилган кунини нишонлаш жараёни акс этган видео тарқалмоқда.

Муниса Ризаева янги «Айрилдинг» қўшиғига клип суратга олдирмоқда.