Хавьер Мендес: «Конор ва Ҳабибнинг юзма-юз келиб қолишига йўл қўймаслик керак»

Енгил вазн тоифасида UFC чемпиони Ҳабиб Нурмагомедовнинг (29-0) мураббийи Хавьер Мендес шогирдининг Конор Макгрегор (22-4) билан юзма-юз келиб қолишдан хавотирда эканини айтди.

Мен бундай учрашувдан қочиш кераклигига 100 фоиз аминман. Мендан ҳеч қачон Конорга шахс сифатида қандай баҳо беришимни сўрашмайди, ҳам сафар унга жангчи сифатида қандай қарашимни сўрашади.

У ажойиб жангчи, мен кўрганлар ичида энг яхшилардан бири. Бироқ инсон сифатида ёқимли эмас. У ўзини қандай тутиши ёқмайди. Тортишувларда мамлакат, дин, оилани орага қўшиши ёқмайди. Яккакурашда бундай усулларга ўрин йўқ.

Баҳслар вақтида рақибнинг ўзи ҳақида исталганча гапириш мумкин, бироқ юқоридаги мавзуларни қўшмаслик керак. Ахир, Конор ҳам бундай ҳужумларни ўзига раво кўрмайди.

Буни кечириш қийин, чунки бу ерда савол профессионалликда эмас, гап оила, эътиқод ва ватан ҳақида кетмоқда, буни ҳазм қилиш қийин. Мана нима учун у менга ёқмайди. Бу ерда ҳеч қандай ҳасад йўқ, у шунчаки ёқимсиз.

Хавьер Мендес, мураббий

Эслатиб ўтамиз, 23 январь куни (Тошкент вақти билан 24 январь тонги) БААдаги «Жангчилар ороли»да Конор Макгрегор ва Дастин Порье ўртасида жанг бўлиб ўтади.

Айни вақтда Ҳабиб Нурмагомедов ҳам БААда бўлиб турибди. 20 январь тунида унинг амакиваччаси Умар Нурмагомедов UFC’даги дебютини ўтказади.