«Дакар-2021» ралли-марафонининг сўнгги босқичида ақл бовар қилмас кўнгилсиз ҳодиса рўй берди. Антон Шибалов бошқарувидаги «КамАЗ-43509» ҳавода пойга ташкилотчиларининг вертолёти билан тўқнашиб кетди. Ноодатий авария вертолёт учувчисининг хатолиги сабаб юзага келган: учувчи маҳаллий ҳудуд рельефини инобатга олмаган ва юк машинаси орқасида ҳаракатланиб, жуда пастлаб кетган, деб хабар беради Motor.
Фото: Motor
«КамАЗ» ва вертолёт тўқнашувини гувоҳлар видеога олишга муваффақ бўлган ва қисқа видео беллашувлар финалининг энг муҳокамаларга сабаб бўлган эпизодига айланган. Зарба парракқанотли машинанинг мустаҳкам «оёқ» қисмига тўғри келгани сабаб учувчи учиш аппаратини назорат қила олган. «КамАЗ» двигателининг юқори ҳаво панжарасига шикаст етган, бироқ авария пойга натижаларига таъсир кўрсатмаган — Антон Шибалов иккинчи ўринни қўлга киритган.
На «Дакаре» может случиться что угодно, но «КамАЗ» с вертолетом даже здесь сталкиваются впервые: «Грузовик "Камаз-мастер" под управлением Антона Шибалова подпрыгнул на кочке и разбил посадочную лыжу у спустившегося слишком низко вертолета телетрансляции» pic.twitter.com/rj35RT9lc8
— Дмитрий Смирнов (@dimsmirnov175) January 15, 2021
«КамАЗ-Мастер» жамоаси матбуот хизмати ушбу ҳодисани «жуда хавфли» деб атаб, «беллашувлар вақтида ташкилотчилар вертолётлар парвози хавфсизлиги» масалаларини кўриб чиқиши кераклигини таъкидлаган.
Содир бўлган кўнгилсиз ҳодиса Россия юк машиналари жамоасининг ғалабасига тўсқинлик қилмаган: «КамАЗ»лар дастлабки учта поғонани банд этган. Ралли-рейдни Дмитрий Сотников бошчилигидаги экипаж эгаллаган бўлса, Антон Шибалов иккинчи ўрин. Учинчи поғона Айрат Мардеевга насиб этган.
