“Dakar-2021” ralli-marafonining so‘nggi bosqichida aql bovar qilmas ko‘ngilsiz hodisa ro‘y berdi. Anton Shibalov boshqaruvidagi “KamAZ-43509” havoda poyga tashkilotchilarining vertolyoti bilan to‘qnashib ketdi. Noodatiy avariya vertolyot uchuvchisining xatoligi sabab yuzaga kelgan: uchuvchi mahalliy hudud relyefini inobatga olmagan va yuk mashinasi orqasida harakatlanib, juda pastlab ketgan, deb xabar beradi Motor.
“KamAZ” va vertolyot to‘qnashuvini guvohlar videoga olishga muvaffaq bo‘lgan va qisqa video bellashuvlar finalining eng muhokamalarga sabab bo‘lgan epizodiga aylangan. Zarba parrakqanotli mashinaning mustahkam “oyoq” qismiga to‘g‘ri kelgani sabab uchuvchi uchish apparatini nazorat qila olgan. “KamAZ” dvigatelining yuqori havo panjarasiga shikast yetgan, biroq avariya poyga natijalariga ta’sir ko‘rsatmagan — Anton Shibalov ikkinchi o‘rinni qo‘lga kiritgan.
https://twitter.com/dimsmirnov175/status/1350080954635837443
“KamAZ-Master” jamoasi matbuot xizmati ushbu hodisani “juda xavfli” deb atab, “bellashuvlar vaqtida tashkilotchilar vertolyotlar parvozi xavfsizligi” masalalarini ko‘rib chiqishi kerakligini ta’kidlagan.
Sodir bo‘lgan ko‘ngilsiz hodisa Rossiya yuk mashinalari jamoasining g‘alabasiga to‘sqinlik qilmagan: “KamAZ”lar dastlabki uchta pog‘onani band etgan. Ralli-reydni Dmitriy Sotnikov boshchiligidagi ekipaj egallagan bo‘lsa, Anton Shibalov ikkinchi o‘rin. Uchinchi pog‘ona Ayrat Mardeyevga nasib etgan.
Izoh (0)