Бруну Фернандеш Премьер Лигада яна ойнинг энг яхши футболчиси деб топилди ва тарихий рекорд қайд этди

Англия Премьер Лигасининг декабрь ойидаги энг яхшилари аниқланди.

«Манчестер Юнайтед» ярим ҳимоячиси Бруну Фернандеш АПЛнинг декабрь ойидаги энг яхши ўйинчиси номига лойиқ кўрилди. Ўтган ойда португалиялик футболчи 6 ўйинда 3 гол ва тўртта голли узатма муаллифига айланди.

Фернандеш ушбу совринни бир йил ичида тўрт марта ютиб олган илк футболчига айланди. Аввалроқ у 2020 йилнинг февраль, июнь ва ноябрь ойларида энг яхши футболчи деб топилганди.

Ушбу соврин учун курашда Фернандеш қуйидаги футболчиларни ортда қолдирди:

• Анвар ал-Ғози («Астон Вилла») — 5 ўйин, 5 та гол;
• Эмилиано Мартинес («Астон Вилла») — 5 ўйин, 4 та қуруқ ўйин ва битта ўтказиб юборилган гол;
• Бен Ми («Бёрнли») — 6 ўйин, 3 та қуруқ ўйин, 1 та гол;
• Маркус Рэшфорд («Манчестер Юнайтед») — 6 ўйин, 5 гол, 2 та ассист»
• Муҳаммад Салоҳ («Ливерпуль») — 6 ўйинда 5 гол, 2 та ассист.
• Томаш Соучек («Вест Ҳэм») — 6 ўйинда 3 та гол;
• Жон Стоунз («Манчестер Сити») — 4 ўйин, 4 қуруқ ўйин;