Вашингтонда юзага келган ва АҚШ Конгресси мажлисига халақит берган тартибсизликлар миллий фожиа ҳисобланади. Бу ҳақда АҚШ собиқ президенти Жимми Картер айтиб ўтди, деб ёзади «РБК».
«Бу миллий фожиа ва бу бизнинг миллат сифатидаги ўзлигимиз эмас», — деди у.
Сиёсатчи америкаликлардан бирлашишни ва ўзаро зиддиятларни хотиржамлик билан ҳал қилишни сўради. Картернинг эслатишича, илгарилари АҚШда икки асрдан ошиқ вақт давомида ҳокимиятни тинч йўл билан топширишга муваффақ бўлишган.
АҚШда президент сайловлари 3 ноябрь куни бўлиб ўтди. Натижаларни сайловчилар ҳайъати 15 декабрь куни қўллаб-қувватлаб, демократлардан номзод Жо Байденни ғолиб деб эълон қилди. Конгресс якунларни 6 январь куни тасдиқлаши керак эди. Бунга сайловда мағлуб бўлган президент Дональд Трампнинг тарафдорлари халақит берди: улар Конгресс биноси ёнида йиғилиб, ичкарига бостириб кирди. Полиция уларни фақат куч билан қувиб чиқара олди.
Кейинроқ, 7 январь куни АҚШ Конгресси мажлисини давом эттириб, Жо Байденнинг АҚШнинг 46-президенти этиб сайланганини тасдиқлади ва унинг инаугурациясини 20 январга белгилади.
Мавзуга доир:
- Трампни қўллаб-қувватлаш учун уюштирилган намойиш Капитолий штурми билан тугади. Тўрт киши ҳалок бўлди, яна бир нечаси тан жароҳати олди. Асосий маълумотлар
- Обама Капитолийга қилинган ҳужумни Америка учун «буюк шармандалик» деб атади
- ОАВ: Трамп муддатидан аввал ҳокимиятдан четлатилиб, унинг ваколатлари вице-президентга ўтказилиши мумкин
Изоҳ (0)