Футбол бўйича Испания Ла Лигасининг 14-турида «Барселона» 19 декабрь, шанба куни «Валенсия»ни қабул қилди.
Учрашувнинг 29-дақиқасида Муктар Диакаби жарима майдонига узатилган тўпни боши билан каталонлар дарвозасига жойлаб қўйди. Биринчи бўлимга қўшиб берилган вақтда мезбонлар пенальти ишлаб олди. Лионель Мессининг зарбасини дарвозабон қайтаришга эришди, бироқ иккинчи темпда давом этган ҳужумни аргентиналик футболчи гол билан якунлади.
Иккинчи бўлим дебютида Роналд Араухо ўзининг қойилмақом зарбаси билан «Барселона»нинг иккинчи голини урди. 69-дақиқада Макси Гомес жарима майдонига узатилган тўпни дарвозага жойлаб, якуний ҳисобни ўрнатди — 2:2.
Шу тариқа «Барселона» 21 очко билан ҳозирча 5-ўринда қолди. «Валенсия» (15) эса 12-поғонага кўтарилди.
Ла Лига
14-тур баҳси
19 декабрь, шанба
«Барселона» — «Валенсия» 2:2
Голлар: 0:1 – 29 Диакаби, 1:1 – 45+4 Месси, 2:1 – 52 Араухо, 2:2 – 69 Макси Гомес.«Барселона»: тер Штеген, Альба, Араухо, Дест, Мингеса, Бускетс (де Йонг, 46), Коутиньо (Лангле, 79), Педри (Пьянич, 86), Месси, Брэйтуэйт, Гризманн (Тринкау, 73).
«Валенсия»: Доменек, Диакаби, Габриэль Паулиста, Гайя, Васс, Солер, Муса (Алекс Бланко, 42), Черишев (Ли Кан Ин, 90), Рачич, Гедеш (Вальехо, 87), Макси Гомес.
Огоҳлантиришлар: Гризманн (13), Гайя (45), Алекс Бланко (45), Мингеса (56), Альба (90+1).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)