АПЛ. «Ливерпуль» Лондонда жавобсиз 7 та гол уриб ғалабага эришди, Салоҳ ва Фирминодан дубль
Футбол бўйича Англия Премьер Лигасининг 13-турида «Ливерпуль» 19 декабрь, шанба куни «Кристал Пэлас» меҳмони бўлди.
Учрашувнинг 3-дақиқасидаёқ Такуми Минамино меҳмонларни олдинга олиб чиқди. 35-дақиқада Садио Мане жамоасининг комбинациясини муваффақиятли якунлади. Биринчи бўлим якунланиши арафасида Роберто Фирмино ҳисобни йирик кўринишга олиб келди.
Иккинчи бўлимда мерсисайдлар яна тўртта тўп киритишга муваффақ бўлди. Жордан Ҳендерсон ва Фирмино бир мартадан рақиб дарвозасини ишғол қилган бўлса, захирадан майдонга тушган Муҳаммад Салоҳ дублга эришди.
Шу тариқа Юрген Клопп жамоасининг очколари 31 тага етди ва «қизиллар» пешқадамликда давом этмоқда. «Кристал Пэлас» (18) эса 12-поғонада қолди.
АПЛ
14-тур баҳси
19 декабрь, шанба
«Кристал Пэлас» — «Ливерпуль» 0:7
Голлар: 0:1 – 3 Минамино, 0:2 – 35 Мане, 0:3 – 44 Фирмино, 0:4 – 52 Ҳендерсон, 0:5 – 68 Фирмино, 0:6 – 81 Салоҳ, 0:7 – 84 Салоҳ.«Кристал Пэлас»: Гуаита, ван Анхолт, Клайн, Кэйхилл, Шлупп, Миливоевич, Куяте (Томкинс, 63), Макартур (Ридевалд, 75), Эзе (Бацҳуайи, 69), Заҳа, Айю.
«Ливерпуль»: Алиссон, Робертсон, Матип, Александер-Арнольд, Фабиньо, Ҳендерсон, Кейта, Минамино, Вейналдум (Жонс, 69), Мане (Салоҳ, 57), Фирмино (Окслейд-Чемберлен, 75).
Огоҳлантириш: Клайн (45).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
