Бугун,

  • USD 11095.31
  • RUB 173.84
  • EUR 10772.44

Аксари аёлларда климакс 51-55 ёшларда кузатилади. Аммо айримларда бу жараён 10 йил эрта бўлиши мумкин. Унга хос бўлган терлаш, ҳолсизлик, уйқу бузилиши, юрак уришининг тезлашиши, чанқаш ва бошқалар, афсуски, жиддий касалликларга хос симптом ҳисобланади. Бу эса жиддий бошланган касалликларни пайқамаслик ва уларни авж олишига сабаб бўлиши мумкин.

Фото: Freepik

Фото: Freepik

Иккинчи турдаги қандли диабет

Мазкур касаллик нафақат ҳаёт тарзи, балки унинг давомийлигига ҳам таъсир қиладиган сурункали касалликлардан бири ҳисобланади. Йилдан йилга ушбу касалга чалинган беморлар сони ортиб бораётгани сабаб ҳам ЖССТ прогнозига кўра, 2030 йилга келиб қандли диабет бутун дунёда кишилар ўлимига сабабчи бўладиган 7 касаллик бўлади. Исталган ёшда чалиниш мумкин бўлгани билан аёлларда 50 ёшдан кейин мазкур у билан касалланиш эҳтимоли юқори бўлади: гормонлар ўзгаради, моддалар алмашинуви пасаяди, вазн ортади. Айнан ёғ йиғилиб, вазн ортиши эса инсулин ишлаб чиқарилиши ҳамда ҳужайраларнинг унга бўлган сезувчанлигига таъсир қилади ва бунинг оқибатида қандли диабет ривожланади. Чанқаш, кўп пешоб ажратиш касалликка хос симптомлардан саналади. Бунга организмнинг ҳужайралардаги ортиқча глюкозани суюқлик орқали чиқаришга уриниши сабаб бўлади. Шу сабаб ҳам сизда менопауза бошланган тақдирда ҳам эндокринолог кўригидан ўтиш ва қанд миқдорини аниқлаш учун қон таҳлили топшириш тавсия қилинади.

Қалқонсимон без касалликлари

Климакс вақтида фаолиятида муаммо кузатиладиган яна бир аъзо қалқонсимон без. Стресс, овқатланишдаги ўзгариш ва менопауза вақтида қалқонсимон безга осон бўлмайди. Уйқу билан боғлиқ муаммолар ҳамда терлашнинг кузатилиши қалқонсимон без фаолиятига хос симптомлар ҳисобланади. Бунда тиреотроп гормони меъёрдан ортиқ ишлаб чиқарилади. Мазкур симптомлар билан кечадиган яна бир аутоиммун касаллик Хашимото ҳисобланади. Шу сабаб ҳам шифокорлар мунтазам равишда УЗИ таҳлили орқали текширтириб туриш кераклигини тавсия қилинади.

Репродуктив аъзолар саратони

50 ёшдан кейин аёлларда гормонлар билан боғлиқ зарарли ўсимталар пайдо бўлиш хавфи юқори бўлади. Кўкрак, тухумдонлар ва бачадон саратони шулар жумласидан. Гап шундаки, ушбу касалликларнинг аксарияти симптомсиз кечади ва бунинг оқибатида касаллик ривожланиб кетиши мумкин бўлади. Шу сабаб ҳам бир йилда камида икки марта гинеколог шифокорга учраш керак. Шунингдек, ортиқча чарчаш, иштаҳа йўқолиши ҳамда белдан пастки соҳаларда оғриқ сезиш ва ўзини ёмон ҳис қилиш бўлганда шифокорга боришни кечиктирмаслик керак.

Изоҳ
Асосий янгиликлар
Маҳаллий
Аҳолининг валюта айирбошлашга йўналтирган пул маблағлари ҳажми 68 фоизга ўсди — Марказий банк
Маҳаллий
Самарқандда 2 киши овқатдан заҳарланиб вафот этди
Маҳаллий
Тошкентда автобуснинг юрган масофасига қараб тўлов қилиш тизими йўлга қўйилади