Мерос қолдирилган истара: Болливуд афсоналарининг кино йўлини танлаган набиралари (фото)
Ҳинд киносаноатида ўз ўрнига эга бўлган юлдузлар ва уларнинг изидан кетган набиралари ҳақида маълумот бериб ўтамиз.
Чанд Берк ва унинг набираси Ранвир Сингх
Актёрлик маҳорати, ташқи кўриниши билан Болливудда ўз ўрнига эга бўлган Ранвир Сингх — замонасида машҳур бўлган актриса Чанднинг набираси. Покистондаги христиан оиласида 12 фарзанддан биттаси ҳисобланган Чанд 1946 йилдан карьерасини бошлаган. Рақсга тушишни қойиллатгани сабаб уни «Панжобнинг рақсга тушадиган лилияси» деб аташган. У икки марта турмуш қурган, биринчи турмуши ўхшамаганидан кейин бизнесмен Сундара Сингха Бхавнани билан оила қурган. Иккинчи турмушидан бир қиз ва ўғилни дунёга келтирган. У ўғлини ўзи сингари санъатни танлашини истаган, аммо ўғли ота касбни танлаган. Орзусини набираси Ранвир амалга ошириб, бувисининг изидан кетди.
Уша Киран ва унинг набираси Сайями Кхер
50 йилларда машҳур бўлган актриса аввалига актриса бўлиш ҳақида ўйлаб ҳам кўрмаган. У турмуш қурганидан кейин икки фарзандни: Адвайт ва Танвини дунёга келтирган. Адвайт моделлик билан шуғулланган кезлари Уттара билан танишган ва Саунскрути ва Сайями исмли фарзандлар дунёга келган. Сайями ҳам бувисининг изидан кетиб, илк бор «Мирза» фильмида суратга тушган.
Пурнима ва унинг набираси Эмран Хашми
Пурнима Дас Верма 40 йиллар охири 50 йилларнинг машҳур актрисаларидан. У икки марта турмуш қурган. Биринчи турмушидан бўлган Анвар Хашми, Фарида Жалал билан бирга суратга тушган. Аммо шунга қарамасдан, у карьера борасида муваффақиятга эришмаган. Аммо Анварнинг ўғли Эмран ижодкорлик борасида муваффақият қозонган. У «Гангстер» ва «Бир куни Мумбайда» сингари фильмларда суратга тушган.
Нутан ва унинг набираси Пранутан Бахл
Filmfare Award мукофотининг 5 карра совриндори, энг яхши актрисалардан бири Нутан — режиссёр Кумарсен Самарта ҳамда Шобхана Самартнинг қизи. Нутан Ражиш Бахл билан турмуш қурган ва ўғли Монишни дунёга келтирган. Мониш ҳам актёрликни танлаган. Монишнинг қизи Пранутан «Кундалик» фильмида рол ижро қилган, айни вақтда эса «Ҳелмет» комедиясида суратга тушмоқда.
Раж Капур ва унинг набираси Ранбир Капур
Раж Капур сингари актёрлар 100 йилда бир дунёга келиши аниқ. Ранбир Капурлар аждодига муносиб равишда маҳорати билан мухлислар қалбидан жой олишга ҳаракат қиладиган ижод вакилларидан. Filmfare Awards мукофотининг 6 карра совриндори Болливуд мухлисларини ранг-баранг роллари билан қувонтиришда давом этади.
Шобхана Самарт ва унинг набираси Кажол
Самарт-Мукержилар сулоласи ҳинд киносаноатида Капурлардан кам машҳур эмас. Сулола вакили ҳисобланган Шобхана Самарт 1930-1940 йиллар Болливуднинг машҳур актрисаларидан бири ҳисобланади. У актрисаликни мажбурликдан танлаб, суратга олиш майдончасида режиссёр Кумарсен билан танишган. Улар турмуш қурган ва Нутан, Танужу, Чатуру исмли қизлар ва ўғли Жайдипни дунёга келтирган. Танужининг қизлари Кажол ва Таниша бувисининг изидан кетиб актриса бўлишни танлаган. Кажол ижоддаги муваффақият борасида ҳатто холаси Нутандан ҳам ўзиб кетган.
Мукеш ва унинг набираси Нил Нитин Мукеш
Мукеш Чанд Матхур ҳинд киносида Раж Капур ижросидаги деярли барча қўшиқларни куйлаган. Мукешнинг уч қиз ва икки ўғил фарзанди бор. Набираси Нил Нитин дунёга келганида у аллақачон вафот этган эди. Нил «Сотқин Жонни» фильмидаги илк роли сабаб Filmfare Awards мукофотига сазовор бўлган.
Сучитра Сен ва унинг набиралари Рия ва Райма
Сучитранинг Уттат Кумар билан бирга суратга тушган фильми ҳинд киносининг классикаси бўлган. У 15 ёшида Дибанатха Сенага билан турмуш қурган ва Мун-мун исмли қизни дунёга келтирган. Сучитранинг қизи Бхаратга турмушга чиққан. Уларнинг фарзандлари эса карьерасини актрисалик билан боғлаган.
Дхармендра ва Каран Деол
2019 йилда илк марта суратга тушган Каран актёрлик борасидаги маҳоратини тўлақонли очиб беролмаган. Шунга қарамасдан, буваси Дхамендра у билан фахрланади ва актёрлик карьерасида муваффақиятга эришишига ишонади.
Шармила Тагор ва Сара Али Хон
60 йилларнинг энг яхши актрисаларидан бири бўлган Шармила турмушга чиққанидан кейин актрисаликка нуқта қўйган, аммо унинг фарзандлари Саиф Али Хон ва Соха Али Хон касб борасида унинг изидан кетган. Бир неча йил аввал эса Саифнинг биринчи турмушидан бўлган қизи – Сара Али Хон ҳам Болливудда дебют рол ижро қилган.
