Тошкентнинг бир қисми совуқ кунда қувурдаги авария сабаб иссиқлик таъминотисиз қолди

20 ноябрь куни Тошкентнинг Олмазор тумани Шимолий Олмазор кўчасидан ўтган иссиқлик тармоқлари қувурида авария юзага келганлиги сабабли қуйидаги манзилларда жойлашган барча аҳоли хонадонлари ва ижтимоий соҳа объектларига вақтинча иссиқлик энергияси етказиб бериш тўхтатилди. Бу ҳақда пойтахт ҳокимлиги матбуот хизмати хабар берди.

Хусусан:

• Себзор кўчаси;
• Ғафур Ғулом кўчаси;
• О.Бобожонов кўчаси;
• Қора Қамиш 1/1, 1/2, 1/3, 1/4, 2/5, 2/1 мавзелари;
• Мухбир кўчаси;
• Ниёзов кўчаси;
• А.Ҳидоятов кўчаси;
• С-12, С-15, С-16, С-17 мавзелари.

Таъкидланишича, айни пайтда иссиқлик тармоғидаги аварияни бартараф этиш ишлари олиб борилмоқда. Ушбу манзилга зарур техника ва ишчи-мутахассислар жалб этилган.

Пойтахт ҳокимлиги ноқулайлик учун узр сўрайди.

Уй-жой коммунал хизмат кўрсатиш вазирлиги «Иссиқлик таъминоти тўғрисида»ги қайта ишланган қонун лойиҳасини муҳокамага қўйилгани тўғрисида хабар берилганди. Унда Ўзбекистондаги истеъмолчиларга ҳали ҳам марказий иситиш тизимидан воз кечиш ҳуқуқини бериш режалаштирилмаган.