ЖЧ—2022 йўлида. Бразилия сафарда Уругвайни таслим этди, Аргентинада ҳам ғалаба. Кейрушнинг Колумбияси 6 та гол ўтказиб мағлуб бўлди
Жанубий Америка минтақасида футбол бўйича ЖЧ—2022 саралаш баҳсларининг 4-тури 18 ноябрь, чоршанба куни бўлиб ўтди.
Бразилия терма жамоаси Уругвай майдонига сафар қилди. Биринчи бўлим охирларида Артур ва Ришарлисон томонидан киритилган тўплар меҳмонларга ғалаба олиб келди. Учрашувнинг 71-дақиқасида уругвайликлар ҳужумчиси Эдинсон Кавани тўғридан-тўғри қизил карточкага лойиқ кўрилди.
Аргентина терма жамоаси эса Перу майдонида меҳмон бўлди. Николас Гонсалес ва Лаутаро Мартинеснинг голлари аргентиналикларга уч очко тақдим этди.
Карлуш Кейруш қўл остидаги Колумбия терма жамоаси кутилмаганда Эквадордан йирик ҳисобдаги мағлубиятни қабул қилиб олди. Хамес Родригеснинг урган голига мезбонлар олтита тўп билан жавоб қайтарди. Чили эса сафарда Венесуэлага қарши баҳс юритди ва сўнгги дақиқаларда ўтказиб юборилган гол туфайли мағлубиятга учради.
4-турдан кейин мусобақа жадвали қуйидаги кўринишни олди:
ЖЧ—2022 саралаши, Жанубий Америка
4-тур баҳслари
18 ноябрь, чоршанба
Уругвай — Бразилия 0:2
Голлар: 0:1 – 34 Артур, 0:2 – 45 Ришарлисон.Уругвай: Кампанья, Годин, Касерес, Хименес, Оливерос, де ла Крус (Родригес, 70), Нандес, Торрейра (Арамбарри, 60), Бентанкур (Родригес, 60), Нуньес, Кавани.
Бразилия: Эдерсон, Тиаго Сильва, Данило, Лоди, Маркиньос, Артур, Эвертон Рибейро (Лукас Пакета, 90), Дуглас Луис (Бруно Гимараэс, 90), Габриэль Жезус, Ришарлисон (Эвертон, 70), Фирмино.
Огоҳлантиришлар: Дуглас Луис (45), Хименес (51), Ришарлисон (59), Нандес (67), Родригес (76), Касерес (85), Маркиньос (90).
Четлатиш: Кавани (71).
Перу — Аргентина 0:2
Голлар: 0:1 – 17 Гонсалес, 0:2 – 28 Мартинес.Перу: Галесе, Абрам, Сантамария, Корсо (Адвинкула, 71), Трауко, Йотунь (Калкатерра, 88), Акино (Картахена, 88), Каррильо, Куэва (Руидиас, 81), Флорес (Поло, 71), Лападула.
Аргентина: Армани, Монтиел, Отаменди, Мартинес, Тальяфико, Ло Чельсо, Паредес, де Пауль (Окампос, 57), Гонсалес (Ди Мария, 72), Месси, Мартинес (Гомес, 89).
Огоҳлантиришлар: Акино (29), Трауко (34), Отаменди (60), Ло Чельсо (73), Галесе (79), Окампос (90).
Эквадор — Колумбия 6:1
Голлар: 1:0 – 7 Арболеда, 2:0 – 9 Мена, 3:0 – 32 Эстрада, 4:0 – 39 Арреага, 4:1 – 45, пенальти Хамес, 5:1 – 78 Плата, 6:1 – 90 Эступиньян.Четлатиш: Плата (80) – Эквадор.
Венесуэла — Чили 2:1
Голлар: 1:0 – 9 дел Пино Маго, 1:1 – 15 Видаль, 2:1 – 81 Рондон.Парагвай — Боливия 2:2
Голлар: 1:0 – 19, пенальти Ромеро, 1:1 – 41 Морено, 1:2 – 45 Сеспедес, 2:2 – 72 Ромеро.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
