Германия терма жамоаси бош мураббийи Йоахим Лёв Миллатлар Лигаси доирасида кечган Испанияга қарши ўйиндан (0:6) кейин ўз фикрлари билан ўртоқлашди.
Ҳозир ниманидир тушунтириш қийин. Ҳаммаси ўйлаганимиздек бўлмади.Бу Германия терма жамоаси тарихида расмий учрашувларда қайд этилган энг йирик мағлубият бўлди.Иккинчи бўлимда ўйинга қайтиш учун персонал прессингда ҳаракат қилишга уриндик. Бироқ Испания яхшироқ, тезкорроқ ва аниқроқ эди. Бизда имконият йўқ эди. Бу қора кун.
Мюллер, Боатенг ва Ҳуммелс? Биз ўз сафимиздаги футболчиларга ишонишимизни айтганмиз ва бу борада тўғри йўлдамиз.
Бу ўйин орқали ривожланишимиз у қадар тез бўлмаётганини кўрдик, ваҳоланки, сўнгги ўйинлардан кейин бунга умид бор эди. Бироқ биз ҳали ҳам бу йигитларга ишонамиз.
Албатта, менда жавоб излашга хоҳиш бор. Бу менинг қарзим.
Йоахим Лёв, Германия терма жамоаси бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)