Стинг, 50 Cеnt ва Гордон Рамзи. Фарзандларини мерос ва пулдан маҳрум қилган юлдузлар (фото)

Машҳурлар орасида фарзандларининг ҳаётда ўз меҳнати билан оёққа туришни истайдиганлари ҳам йўқ эмас. Қуйида номи келтирилган юлдузлар болалари отасининг пулига ишониб қолиб, ҳаётда қоқилмаслиги учун меросдан маҳрум қилган.

Стинг

Ҳозирги аҳволи ярим миллиард доллар деб баҳоланадиган ижодкор карьерасини бировни ёрдамисиз мустақил бошлаган. Шу сабаб бўлса керак фарзандларининг ҳам ҳаётда шундай йўлни танлашини истаган. Берган интервьюлардан бирида у олти меросхўрига миллионлар қолдирмаслигини билдирган. Шу сабаб ҳам уларнинг ўзи молиявий муваффақиятга эришиши ва оёққа туришига тўғри келади.

Филип Сеймур Хоффман

Тақиқланган моддаларнинг дозасини ошириб юбориш оқибатида ҳаётдан кўз юмган актёр фарзандларига бир чақа ҳам қолдирмаган. Унинг аҳволи бир неча ўн миллион доллар деб баҳоланганига қарамай фарзандлари ҳеч қачон ҳашаматли ҳаёт кечирмаган. Филип катта миқдордаги пул вояга етмаганлар ҳаётини издан чиқаради, деб ҳисоблаган.

50 Cеnt

Хонанда ва унинг катта фарзанди Маркизнинг муносабатлари доим чигал бўлган. Маркиз бир неча марта берган интервьюларида отаси улар билан 2012 йил иккинчи фарзанди Сир Жексон дунёга келганидан бери гаплашмаслигини билдирган. Аввалроқ 50 Cеnt ҳатто фарзандининг отаси эканига шубҳаси борлигини билдирган. Шундан кейин қариндошлари ижтимоий тармоқларда бир неча марта жанжаллашган ва рэпер Маркизни шунчаки меросхўрлари рўйхатидан чиқарган.

Саймон Коуэлл

The Х Factor номли истеъдод эгалари шоусининг доимий ҳакамларидан бири бўлган Саймоннинг молиявий аҳволи ярим миллиард долларни ташкил қилади. Ҳозирда 60 ёшда бўлган Коуэллнинг ўғли Эрик 6 ёшда. Интервьюлардан бирида у фарзандига пул бермоқчи эмаслиги, бунинг ўрнига ўқитиши ва ҳаётда ўрнини топиш учун имконият яратиб беришини таъкидлаган.

Гордон Рамзи

Машҳур бош ошпаз ва шоумен Гордоннинг 200 миллион доллари бўлишига қарамай, тўрт нафар фарзанди ушбу пулларга эгалик қилолмайди. У бор-будини инсон ва ҳайвонлар ҳаётини сақлаб қоладиган хайрия фондларига қолдиришни режалаштирган. Фарзандлари эса отаси сингари ўзи ишлаб пул топиши ва ҳаммасини нолдан бошлаб, мустақил карьера қилишига тўғри келади.