Аҳолининг энг заиф гуруҳини ҳимоя қилган ҳолда COVID-19 натижасида юзага келадиган ўлим даражасини 75 фоизга қисқартириш мумкин, бу гуруҳ умумий аҳоли сонининг 5 фоизини ташкил қилади. 8 миллиондан ортиқ беморнинг маълумотларини таҳлил қилган Оксфорд университети олимлари ана шундай хулосага келди, деб ёзмоқда «Korrespondent.net».
Аниқланишича, пандемиянинг биринчи тўлқини вақтида ўлим ҳолатларининг 75 фоизи хавф гуруҳига кирувчи одамларда кузатилган.
«Бу модель одамлар COVID-19’дан ҳимоянинг тегишли чораларига амал қилиши учун клиник тавсияларни ишлаб чиқишга имкон беради», — дея маълум қилган профессор Жулия Хиписли-Кокс.
Бунда мақсадли блокировка қилиш масаласи пандемия эълон қилинган март ойидан бошлаб муҳокама қилинган.
«Агар хавф гуруҳидаги 5 фоиз одамга ўлимларнинг 75 фоизи тўғри келса, бу ишониб бўлмайдиган натижа. Бу биз учун хавф гуруҳидаги одамларни олдиндан аниқлай олишимиз мумкинлигини англатади. Бу одамларнинг касалланиш хавфи қолган 95 фоиз аҳолига қараганда 50 марта юқори. Агар бу 5 фоизни ҳимоя қилиш усули топилса, масалан, яқин алоқадаги кишиларни доимий тестдан ўтказиш орқали бу натижа мақсадли блокировка концепциясини тасдиқлайди. Бу эса соғлиқни сақлаш тизимининг ишини сезиларли даражада енгиллаштиради», — дея таъкидлаган Эдинбург университети юқумли касалликлар эпидемиологияси профессори Марк Вулхаус.
Изоҳ (0)