Коронавирус инфекциясига чалинган беморда юрак қон-томир касалликларининг бўлиши унинг касалхонага тушиш хавфини олти бараварга оширади, бунда ўлим ҳолатлари кузатилишининг эҳтимоли ўн икки бараварга ошади. Бу ҳақда Россия соғлиқни сақлаш вазирлигининг Кардиология тиббий тадқиқотлар маркази бош директори, Россия Фанлар академиясининг академиги Сергей Бойцов маълум қилган, деб ёзмоқда «РИА Новости».
«Юрак қон-томир касалликларининг патологияси ва коронавирус инфекциясининг ўзаро муносабатлари ўта оғир кечади. Ушбу касалликлар COVID-19’га чалиниш эҳтимолини оширмайди, бироқ коронавирус инфекцияси улар билан бирга кечса, беморнинг касалхона шароитида даволаниш эҳтимоли тахминан олти баравар, ўлим ҳолатининг хавфи эса 12 бараварга ошиб кетади», – деган Бойцов.
Шунингдек, олим ушбу патологиялар коронавирус инфекциясига чалиниб касалхонада даволанаётган ҳар учинчи беморда учраётгани ва ўта оғир ҳолатларга сабаб бўлаётганини қайд этган.Бойцовнинг сўзларига кўра, коронавирус инфекциясидан кейин юрак қон-томир тизимидаги энг ёмон асоратлар тромбозлар ҳисобланади.
Изоҳ (0)