«Avto.ru» сайтида бундан 46 йил олдин ишлаб чиқарилган «ВАЗ-2101» модели 549 999 рублга (7 минг доллар) сотилаётгани тўғрисида эълон пайдо бўлди. Машина нархнининг бу қадар қимматлиги у ҳозирга қадар 8,5 минг километр йўл босгани ва ундан фақатгина бир киши фойдалангани билан изоҳланмоқда. Таққослаш учун, янги Lada Granta’нинг нархи 483 минг рублдан бошланади, деб ёзади Motor.

Фото: «Auto.ru»

Сотувга қўйилган нусханинг яна бир ўзига хос жиҳати — совет даврига тегишли қора рақамга эгалигида. Сотувчининг таъкидлашича, автомобиль 1970 йиллардаги каби ҳолатда сақланган, ҳеч қачон таъмирланмаган ва реставрация қилинмаган. «Копейка» номини олган модель оқ рангда бўлиб, салони жигарранг-сариқ рангда ишланган, барча агрегатлари соз ҳолатда.

Фото: «Auto.ru»

«ВАЗ-2101» 59 от кучига эга 1,2 литрли бензин двигатель билан жиҳозланган бўлиб, у тўрт поғонали механик узатмалар қутиси ёрдамида бошқарилади.

Фото: «Auto.ru»

Сотувчи дастлаб автомобиль нархини 600 минг рубль деб эълон берган, бироқ харидор топилмагач, уни камайтиришга тўғри келган.

Фото: «Auto.ru»

Фото: «Auto.ru»

Маълумот учун, «Копейка» номини автомобиль 1990 йиллар охирида, модель номерининг охиридаги бир рақами сабаб олган.

Аввалроқ Россияда тюнинг қилинган Lada 4х4 салкам 16 минг доллар эвазига, Италияда эски «ГАЗ-69» машинаси янги Lada Granta нархида сотувга қўйилгани тўғрисида хабар берилганди.