Футбол бўйича Ўзбекистон Coca-Cola Суперлигасининг 16-турида «Сўғдиёна» 21 сентябрь, душанба куни «Қўқон-1912»ни қабул қилди.
Учрашувнинг 5-дақиқасидаёқ майдон эгалари Шаҳбоз Жўрабековнинг голидан кейин олдинга ўтиб олди. Биринчи бўлим якунланиши арафасида Марко Колавович жиззахликларнинг иккинчи голини урди.
Иккинчи бўлимнинг 4-дақиқасида қўқонликлар жамоаси бир ўйинчи кам бўлиб қолди. Бобур Акбаров иккинчи сариқ карточкасини олиб, майдонни тарк этди.
61-дақиқада Искандар Шойқулов узоқ масофадан аниқ зарба йўллаган ҳолда чиройли голга муаллиф бўлди. Қолган вақтда «Сўғдиёна» футболчилари вазиятни назорат қилди ва ўйиндаги ҳисоб ўзгармади.
Ушбу ғалабадан кейин «Сўғдиёна» очколарини 20 тага етказиб олган ҳолда 9-ўринга кўтарилди. «Қўқон-1912» (26) эса 6-поғонага тушиб кетди.
Coca-Cola Суперлига
16-тур баҳси
21 сентябрь, душанба
«Сўғдиёна» — «Қўқон-1912» 3:0
Голлар: 1:0 – 5 Жўрабков, 2:0 – 44 Колакович, 3:0 – 61 Шойқулов.«Сўғдиёна»: Милан Митрович, Сардор Қулматов, Искандар Шойқулов, Аюбхон Нў‘монов (Элёр Орифов, 74), Жамшид Болтабоев (Санжар Рашидов, 34), Шоҳруз Норхонов (Саҳоб Рашидов, 85) , Жасур Ҳасанов, Шавкат Муллажонов, Жавоҳир Қаҳрамонов (Даниел Насриддинов, 73), Шаҳбоз Жўрабеков (Диан Талхатов, 74), Марко Колакович.
«Қўқон-1912»: Ботирали Эргашев, Бобур Акбаров, Шоҳназар Норбеков (Иқбол Маликжонов, 90), Қувондиқ Рўзиев, Сардор Азимов (Музаффар Музаффаров, 46), Ойбек Рустамов, Муҳаммаданас Ҳасанов (Аваз Маматхўжаев, 62), Александр Мерзляков, Иван Ёсович, Мурод Ҳолмуҳаммедов (Собит Синдаров, 86), Якуба Бамба (Суҳроб Бердиев, 46).
Огоҳлантиришлар: Нўмонов (36), Азимов (41), Акбаров (47).
Четлатиш: Акбаров (49).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)