44 ёшли машҳур турк актрисаси Нургул Ешилчай тўй куни тўғрисидаги қарорни қабул қилди, деб ёзади «RusTurkey.com».

Фото: Мilliyet

Маълум бўлишича, 2021 йилнинг ёз фаслида актриса продюсер Нежати Кожабайга турмушга чиқади. Бир неча йилдан буён бирга яшаб келаётган жуфтлик айнан шу йили тўй қилишни режалаштирган эди, аммо пандемия сабаб тўхтатилган.

«Биз тўйни бироз кейинроққа қолдирдик, чунки бахтли куним оддий нишонланишини хоҳламайман. Тўйимиз ажойиб тарзда ўтишини истайман, кўплаб меҳмонлар ташриф буюрса. Лекин пандемия даврида бунинг иложи йўқ», − дейди актриса.

Маълумот учун, Нургул Ешилчай туркиялик театр ва кино актрисаси, у бир неча сериал ва фильмларда бош ролларини ижро этган. У энг кўп маош оладиган актрисалар рўйхатида туради. Шунингдек, бир қатор нуфузли мукофотлар эгаси. Актриса фильмларда суратга тушишдан ташқари театрда ҳам ишлайди, мусиқалар ёзишни яхши кўради.