Ёввойи рақс, ғайриоддий гўзаллик: сайёҳ-сураткашларнинг энг яхши кадрлари (фото)

Буюк Британияда «National Geographic Traveller Competetion 2020» танловининг ғолиблари аниқланди. Ҳакамлар ҳайъати томонидан 4500 дан ортиқ ишлар кўриб чиқилиб, «Одамлар», «Шаҳарлар», «Пейзаж» ва «Табиат» деб номланган тўртта номинация бўйича совриндорлар тақдирланди.

Танловнинг Гран-при мукофотига Адриэл Торресга тегишли Франция Полинезиясининг Маркиз оролидаги хакларнинг маросим рақси акс этган сурат лойиқ кўрилди.

«Табиат» номинацияси бўйича ғолибликни Тинч океанидаги Кокос ороли яқинида ҳаракати аниқ ва яққол ифодаланган скат сурати муаллифи Франческа Пейж қўлга киритди.

Жордан Бенкснинг Токиодаги Одайба сунъий оролида жойлашган кўп қаватли уйлар сурати «Шаҳарлар» номинацияси бўйича ғолиб деб топилди.

«Пейзаж» номинациясида Аннапурна Меллор Ladaхдаги тепалик ёнбағрида жойлашган Микси будда монастири сурати билан ютуқни қўлга киритди.

Танлов финалчиси Холли Барбер оқшом чоғида қадимий Праганинг суратини олишга эришди.

Мўғулистон – оналар давлат даражасида қадрланадиган мамлакатлардан бири. Сурат қаҳрамони − 8 фарзанд ва 22 набиранинг бувиси ўз мукофотларини намойиш этмоқда. Сурат муаллифи Кей Локетт.

Жорж Тернбулл Намибиянинг ғайриоддий гўзаллиги билан қизиқди. Сураткаш Намиб-Науклуфт миллий боғига ташриф буюрди ва кун давомида чўл рангининг ўзгаришини кузатди. Натижада сурат танлов финали учун танланди.

Танзания шимолидаги Натрон тузли кўли полапонларини боқадиган фламинголарнинг севимли маскани. Бу ерда ҳар йили минглаб қушлар насл қолдириш учун тўпланади. Тони Чжангнинг ушбу сурати ҳам финал учун сараланди.

Трансилванияда яшовчи оиланинг катта бобоси Данчу. Сурат муаллифи Линн Фрэйзер танлов ғолиблигини қўлга киритди.

Кения, қум бўрони, шер овга чиққан. Хавотирга тўла кутиш билан Диана Найт манзарани расмга олишга муваффақ бўлди.

Эрик Хо Хитойда тонг ёруғидаги шоли экилган майдон манзарасини акс эттирувчи сурати билан финалга йўл олди.

Сумка кўтарган аёллар Италия жанубидаги Бари шаҳрининг эски мавзесидаги тор майдонни кесиб ўтмоқда. Муаллиф Мик Райан ҳам ушбу кадр билан финалга йўл олди.