Бугун,

  • USD 11095.31
  • RUB 173.84
  • EUR 10772.44

Футболда кўплаб ота-болалар фаолият юритган ва бунга кўплаб мисоллар келтириш мумкин. Бироқ миллионлар ўйинида баъзи-баъзида ака-укалар ҳам муваффақият қозониб туради. Мисол тариқасида, 2019 йилнинг ёзида Эден Азар 125 миллион евро эвазига «Реал»га ўтган бир пайтда, унинг укаси Торган Азар «Боруссия Дортмунд» футболчисига айлаганди. Уларнинг трансфер нархлари умумлаштирилганида 170 миллион еврони ташкил қилганди. Европада эса бундай (қиммат) ака-укалар талайгина. Шундай экан, қуйида Кўҳна қитъанинг энг қиммат оға-инилари (футболчиларнинг бир клубдан иккинчисига ўтганидаги нархлар ҳисобланган) ҳақида фикр юритилади.

Пол ва Флорентен Погба — 105,5 миллион евро

Фото: Google Photos

Фото: Google Photos

«Юнайтед» ва унинг ваҳимали хариди туфайли Погба бир муддат дунёнинг энг қимматбаҳо футболчиси бўлиб турганди. Бироқ ҳамма ҳам унинг Флорентен исмли акаси борлигини билмаса керак. Флорентен ҳозирда Лига 2 (Франция) фаолият юритади.

Лукас ва Тео Эрнандес — 124 миллион евро

Фото: Marca

Фото: Marca

Лукас Эрнандес «Атлетико» тарбияланувчиси ҳисобланади. Асосий жамоага қўшилгач, у тўрт йил ичида ўз позициясида (ҳимоячи) энг зўрлардан бирига айланди. Натижада «Бавария» Лукас учун 80 миллион евронинг баҳридан кечди.

Унинг укаси Тео ҳали энг яхши мақомини олишга улгурмаган бўлса-да, уяладиган нарсаси йўқ: 2017 йилда «Реал» унинг хизматлари учун «Атлетико»га 24 миллион тўлаган бўлса, 2019 йилда «Милан» «Реал» ҳисоб рақамига 20 миллион ўтказиб берган.

Гонсало ва Федерико Игуаин — 161,48 миллион евро

Фото: Eurosport

Фото: Eurosport

Гонсало Игуаин ва унинг 90 миллион еврога «Наполи»дан «Ювентус»га ўтгани ҳақида эшитмаган футбол мухлиси бўлмаса керак. Аммо Аргентина терма жамоасининг собиқ футболчиси Федерико Игуаин ҳақида ҳамма ҳам эшитмаган.

Ҳозирда «Ди Си Юнайтед» (АҚШ) сафида ўйнаётган Федерико фаолиятининг катта қисмини АҚШ ва Жанубий Америкада ўтказган.

Эден ва Торган Азар — 170,5 миллион евро

Фото: RT

Фото: RT

Эден Азар «Реал»даги дебют мавсумида жароҳатлар сабаб муваффақиятсизликка учраган бўлса ҳам, ҳамон дунёнинг энг яхши футболчиларидан бири ҳисобланади. Эден «Челси»да шу даражада ёрқин ўйин намойиш этгандики, «аристократлар» имконият туғилиши биланоқ, дарҳол унинг укаси Торганни сотиб олди. Афсуски, у клубда ўз ўрнини топа олмади ва 2015 йилда, бир неча ижаралардан сўнг Мюнхенгладбахнинг «Боруссия»сига кўчиб ўтди. Ҳозирда эса у «Боруссия Дортмунд» юлдузларидан биридир.

Килиан Мбаппе ва Жирес Кембо-Экоко — 183,7 миллион евро

Фото: Olay

Фото: Olay

ПСЖ асосий юлдузларидан бири Килиан Мбаппени 180 миллион еврога харид қилгани кўпчиликка маълум.

Қизиғи шундаки, бир вақтлар Килианнинг отаси ундан 11 ёшга катта бўлган Жирес Кембо-Экокони асраб олган ва унинг ҳам футбол билан шуғулланишига имконият яратиб берган.

Жирес маълум муддат «Ренн» сафида тўп сурди, ҳозирда эса у Туркиянинг «Бурсаспор» клуби шарафини ҳимоя қилмоқда.

Ромелу ва Жордан Лукаку — 207,56 миллион евро

Фото: The Beat

Фото: The Beat

Лукаку 88,4 миллион евро эвазига «Манчестер Юнайтед»га (2017 йили) ўтганида, у энг қиммат бельгиялик футболчига айланганди. Умуман олганда, Лукаку доимо ўз клубларига («Интер» ҳам унинг трансферларига 80 миллион евро сарфлаган) арзонга тушмаган.

Унинг укаси Жордан эса 2016 йилда уч миллион евро эвазига «Лацио»га ўтган. Агар у 2019 йили тиббий кўрикдан муваффақиятли ўтганида ҳозир «Ньюкасл» сафида Премьер Лигада тўп тепаётган бўларди.

Изоҳ
Асосий янгиликлар
Маҳаллий
Тошкентдаги боғчада болалар оёғига игна тиқилгани ортидан икки киши жаримага тортилди
Дунё
Лукашенко Каховка ГЭСни украиналиклар атай портлатганини айтди ва бунинг “сабабини” келтирди
Маҳаллий
Тошкент вилоятида каналда оқиб кетган 5 ёшли боланинг жасади топилди