Туркиядаги шифохонада касал фарзанди билан мушкул аҳволда қолган юртдошимиз яхши инсонларнинг ёрдамига муҳтож

«Дарё» таҳририятига Шаҳноза Тўхтаева мурожаат қилиб, Туркиянинг Мармара университети давлат шифохонасида даволанаётган фарзанди Шаҳзода Жавидовага ёрдам сўради.

Мен Шаҳноза Тўхтаева 41 ёшдаман. Тошкент шаҳри Юнусобод туманида онам ва укаларим билан бирга яшайман. Тўққиз ойдан бери Туркиянинг Истанбул шаҳрида қизимни даволатиб келяпман. Ҳозир жуда қийин аҳволда қолдим. Шу сабабли хайрия умидида сизларга мурожаат қиляпман.

Фарзандим Шаҳзода Жавидова 8 ёшда. 2018 йилдан буён буйрак етишмовчилиги хасталиги билан оғриб келади. Ҳар икки буйрагида ҳам буйрак тош касаллиги ташхиси билан Тошкентда икки марта операция қилинган, аммо натижа бўлмади. Қизим яна қайта касал бўлиб, oғирлашганидан сўнг қайта анализ топширдик. Шифокорлар кўриб, қизалоғимни Туркияда даволатишимни айтишди.

13 йилда кўрган фарзандим эди. Ҳеч нарсани ўйламай қизимни олиб Туркияга келдим. Энг арзон ва сифатли жарроҳлик амалиётларини ўтказадиган Мармара университети давлат шифохонасида қайта текширувдан ўтдик. Шифокорлар қизингизнинг аҳволи оғир деб учта операция белгилаб беришди. Биринчи операцияси учун 17 минг доллар, иккинчиси учун 18 минг доллар ва учинчи энг муҳимига 55 минг доллар пул кераклигини айтишди.

Афсуски менда бунча пул йўқ эди. Лекин қизимнинг ҳаёти учун ҳамма нарсага тайёр эдим. Аллоҳга таваккал қилиб, уйимдаги бор қўлга илинган нарсаларимни сотдим. Укам машинасини сотиб берди. Етмаганига хайрия ташкилотларидан пул олиб ва саховатли инсонларнинг ёрдами билан иккита операцияни муваффақиятли ўтказдик.

Суяклари ўзидан заҳарли модда ишлаб чиқариб, буйрагига зарар бераётгани учун учинчиси илик кўчириб ўтказиш операцияси эди. Юқорида айтганимдек, бунга 55 минг доллар сўрашганди. Ёрдам сўрамаган, олдига бормаган одамим қолмади. Етарли пул тополмадим. Аммо менда бунча пул бўлмагани учун 4 минг долларга буйрагига аппарат қўйдириб турдик.

Ҳозир Шаҳзоданинг ҳолатини кўриб, шифокорлар 18 августга операция белгилаб берган.

Нима қилишни, шунча пулни қаердан олишни билмай бошим қотган. Ҳар куни Аллоҳга ёлвораман. Майли, мени жонимни ол, лекин болажонимни қийнама, деб йиғлайман. Онани яратмасин экан. 13 йилда кўрган фарзандим эди. Туркияга келганимизга 9 ой бўлди. Мусофирчилик жуда қийин экан. Болам қийналиб кетдик. Яхши инсонларнинг, саховатпеша юртдошларимизнинг ёрдамига жуда-жуда муҳтожман.

Биз барча саховатгўй юртдошларимиздан шундай муборак кунларда Шаҳзода Жавидованинг тузалиб кетишида ўз ёрдамларини аямасликларини сўраб қоламиз.

Шаҳзода Жавидова учун хайрия қилишни истаганлар учун керакли маълумотлар:

Пластик карта орқали:

онаси Шаҳноза Тўхтаева номида

Халқ банки (Uzcard) 8600 0604 6575 4019

VISA карта рақами:

Миллий банк: 4916 6400 7010 9739

Сбербанк: 5469 7500 1463 6438

Таниши Ином Юсупов номида

Туркия картаси таниши Шоҳиста Содиқова номида

ТР: 8600 0620 0066 5000 0668 5162

Шаҳноза Тўхтаеванинг паспорт маълумотлари:

АА0009897

Туркиядаги телефон рақами: 05357759919; 05369779261 (Telegram)

Ўзбекистондаги рақам: +998 90 941 52 64 (Шаҳноза Тўхтаеванинг онаси)