Жаҳон соғлиқни сақлаш ташкилоти 10 июль, жума куни дунё бўйича 228 102 кишида коронавирус аниқланганини маълум қилди.
Фото: The Insider
Meduzaнинг ёзишича, бу бутун пандемия давомидаги кунлик касалланишлар сони бўйича антирекорд кўрсаткич, шунингдек, суткада 200 мингдан ортиқ кишида коронавирус аниқланиши бўйича июль ойида кузатилаётган бешинчи ҳолат.
Коронавирус энг кенг авж олган АҚШда сўнгги суткада коронавирус 68 100 кишида қайд этилган, деб ёзмоқда The New York Times.
Reuters маълумотларига кўра, АҚШда бир кунда 69 мингдан ортиқ кишида вирус аниқланган.
Мамлакатда қаторасига уч кундан буён касалланганлар сони рекорд даражада ортмоқда. Авваллари АҚШда кунлик касалланишлар сони бирор марта 60 минг кишидан ошмаганди.
Аввалроқ Жаҳон соғлиқни сақлаш ташкилотининг Россиядаги вакили Мелита Вуйнович коронавирус ўзгармагани, касалликнинг жиддийлиги аввалгидек қолганини айтганди.
