Гонконг мактаблари 13 июль, душанба кунидан бошлаб коронавируснинг янги эпидемияси бошлагани туфайли яна ёпилади. Бу ҳақда Гонконг маориф вазири Кевин Ян маълум қилган, деб ёзмоқда Bloomberg.
Унинг сўзларига кўра, қарор жамоатчиликнинг соғлиғи, шунингдек, биринчи навбатда ўқувчиларнинг саломатлиги нуқтаи назаридан қабул қилинган.
Мактабларга фақат битирувчилар якуний имтиҳонларни топшириш учун келади, бунда улардан мажбурий тартибда тиббий ниқоб тақиш ва ижтимоий масофаланишга риоя этиш талаб қилинади.
Гонконг мактаблари аввал январь ойида ёпилган ва май ойида фаолиятини қайта бошлаганди. Аммо охирги кунларда Гонконгда яна коронавирус билан касалланиш ҳолатлари қайд этилмоқда. 9 июлнинг ўзида 34 та янги ҳолат аниқланган ва бу охирги уч ой давомида кузатилган энг юқори кўрсаткичдир.
Эслатиб ўтамиз, аввал Гонконг полициясига суд ордерисиз тинтув ўтказиш ҳамда миллий хавфсизлик тўғрисидаги янги қонунга кўра мол-мулкни мусодара қилиш ваколати берилган.
Изоҳ (0)