Япониянинг жануби-ғарбидаги Кюсю оролида 5 июль, якшанба куни кучли ёмғир туфайли сув тошқини юзага келди. Табиий офат 52 кишининг умрига зомин бўлди. Reuters нашри Япониядаги сув босган кўчалардан фотожамланма тайёрлади.
Қайд этилишича, икки киши оғир аҳволда, 12 нафари бедарак йўқолган. Мамлакат жануби-ғарбидаги Кюсю оролидаги Кумамото префектурасида 51 киши, яна бир киши шу оролда жойлашган Фукуока префектурасида ҳалок бўлган.
Мамлакат жануби-ғарбидаги Фукуока, Сага ва Нагасаки префектураларида хавфлиликнинг энг юқори даражаси эълон қилинган. Ҳукумат яна тошқинлар бўлишидан огоҳлантирмоқда. 8 та префектурада кўчки хавфи эълон қилинган.
Айрим ҳудуд аҳолисига эвакуация қилиш тавсия этилган. Сикокудаги Эхиме ва Кюсюдаги Оитанинг ўзида 350 минг киши эвакуация қилиниши керак.