Месси, Мбаппе, Салоҳ ва Роналду 70 йиллар футболи юлдузи бўлганда қандай кўринган бўларди?

ФИФА Мексикада бўлиб ўтган 1970 йилги Жаҳон чемпионатининг 50 йиллигини нишонламоқда.

Юбилей муносабати билан Жаҳон Кубогининг Twitter’даги саҳифасида замонавий футбол юлдузлари — ҳужумчилар Лионель Месси (Аргентина), Килиан Мбаппе (Франция), Неймар (Бразилия), Криштиану Роналду (Португалия), Муҳаммад Салоҳ (Миср) ва ярим ҳимоячи Пол Погбанинг (Франция) 70 йилларга хос ретро кўринишдаги фотосуратлари тақдим этилди.

Эслатиб ўтамиз, 1970 йилги Жаҳон Кубогида Бразилия терма жамоаси ғолиб бўлган, «пентакампеонлар» мусобақанинг финал баҳсида Италияни 4:1 ҳисобида мағлубиятга учратган эди. Учинчи ўрин эса Уругвай термасини 1:0 ҳисобида енгган Германияга насиб этган.