Хонандалар Озода Нурсаидова ва Юлдуз Турдиева бетоб ётган таниқли актриса Клара Жалилованинг ҳолидан хабар олди.

Фото: «Darakchi.uz»

«Кеча Юлдуз Турдиева билан устоз санъаткор Клара Жалиловани хонадонларида бўлдик. Устоз 85 ёшни қаршилабдилар, лекин ёш кўринадилар. Бундан илгари ҳайит кунлари келиб кетганимда сал бетобликларидан хабар топган эдик. Нима камчилик десак, ҳамма нарсам етарли ўғилларим жуда яхши қарашяпти, Аллоҳга шукур, дедилар. Ҳозир анча яхшилар! Фарзандларидан Аллоҳ рози бўлсин», — деб ёзади Озода Нурсаидова жараён акс этган видео билан бўлишиб.

Видеода хонандаларнинг Клара Жалилова билан суҳбатлашиб, унинг кўнглини кўтараётгани акс этган. Озода Нурсаидованинг ёзишича, этика нуқтаи назаридан видеода Клара Жалилованинг юзини кўрсатмасликка қарор қилинган.

View this post on Instagram

Assalom alaykum Azizlar! Kecha Yulduz Turdieva bilan @yulduz_turdiyeva_official ustoz san’atkor Klara Jalilovani xonadonlarida bo’ldik. Ustoz 85 yoshni qarshilabdilar lekin yosh ko’rinadilar. Bundan ilgari xayit kunlari kelib ketganimda sal betobliklaridan xabar topgan edik.Nima kamchilik desak hamma narsam etarli o’gil farzandlarim juda yahshi qarashyapti Allohga shukur dedilar... Xozir ancha yaxshilar !Farzandlaridan Alloh rozi bulsin🙏Mana bu safar kamtar, yaxshilik uchun doim hozirjavob xalqimiz suygan honanda @yulduz_turdiyeva_official bilan birga yana ustozni yuqlagani keldik. Ideas Medical Kompaniyasi @ideas_medical medic krovat hadya qildi. Alloh rozi bolsin hammalaridan. ( Ustozni uzlarini etika nuqtai nazaridan videoga olmadik. Xali o’zlari aloxida Uzbek xalqiga salom yollaydilar )

A post shared by O Z O D A (@ozodaofficial) on

Маълумот учун, Ўзбекистонда хизмат кўрсатган артист, «Дўстлик» ордени соҳибаси Клара Жалилова 1937 йилда Тошкент шаҳрида таваллуд топган. Актриса фаолиятини қўшиқчиликдан бошлаган. 1958 йилда суратга олинган «Мафтунингман» фильмидаги бош қаҳрамон — Юлдузхон образи актрисага оламшумул машҳурлик олиб келган.

Клара Жалилова «Чинор остидаги дуэл», «Келинлар қўзғолони», «Кулол ва хумча», «Сўнгги лаҳза» каби фильмларда ҳам эсда қоларли образлар яратган.