Президент Шавкат Мирзиёев 5 июндан буён Фарғона вилоятида ташриф билан бўлиб турибди. 6 июнь куни, Фарғона шаҳрида Президент раислигидаги фаоллар йиғилиши ўтказилаётган вақтда ижтимоий тармоқларда вилоят ҳокими Шуҳрат Ғаниев вазифасидан озод этилгани, унинг ўрнига молия вазири ўринбосари Аҳадбек Ҳайдаров Фарғонага ҳоким бўлгани ҳақида хабарлар тарқалди. Бироқ «Дарё» ва бошқа интернет-нашрларнинг манбалари ҳоким Ғаниев йиғилишда қатнашаётгани, унда ташкилий масала кўрилмаётганини билдирди. Эслатиб ўтамиз, Сўхдаги можародан сўнг туман аҳолиси мамлакат раҳбариятидан Фарғона вилояти ҳокими Шуҳрат Ғаниевни истеъфога чиқаришни сўраган эди.

Фото: Президент матбуот хизмати