Реалити-шоу юлдузи ва тадбиркор Кайли Женнер Forbes нашри томонидан «Дунёнинг энг ёш миллиардер аёли» мақомидан маҳрум этилганида онасини айлаб, у билан гаплашмай қўйди. Бу ҳақда The Sun хабар берди.

Фото: WWD

Forbes нашри бир неча кун аввал Кайлининг даромадини ҳисоблаб чиқди ва уни миллиардер деб атамасликка қарор қилди. Женнерни бир неча йил мобайнида даромадлари ҳақида нотўғри маълумот бериб келганликда айблашди.

Қайд этилишича, 22 ёшли Кайли онаси Кейтлинни ҳисобчи билан тил бириктирганликда айбламоқда. Кейтлин Женнер қизининг менежери ҳисобланади, айнан у пул борасида товламачилик қилган бўлиши мумкин. У қизининг келишувларидан 10 фоизига эгалик қилади.

Хабар берилишича, Крис ҳозир Кайли унинг қўнғироқларига жавоб бермаётганидан хавотирга тушган. Шунингдек, Женнерлар оиласи ушбу можаро қонуний муаммолар келтириб чиқариши ҳамда бренд обрўсига путур етказиши мумкинлигидан ташвишланмоқда.

Кайли Женнернинг ўзи ҳам унинг даромадини 900 миллион доллардан сал кўпроққа баҳолаган Forbes нашрининг маълумотига изоҳ берган. Унинг айтишича, журнал асоссиз тахминларни чоп этган.