1 июндан бошлаб Самарқанд шаҳри ҳудуди бўйлаб стикерсиз ҳаракатланишга рухсат берилди. Бу ҳақда шаҳар ҳокимлиги матбуот хизмати хабар берди.
Қайд этилишича, автотранспорт воситаларининг махсус рухсатномасиз (стикерсиз) ҳаракатланишига фақатгина куннинг муайян вақтида (07:00 дан – 10:00 гача, 17:00 дан – 20:00 гача) рухсат берилган.
Фуқаролар автотранспорт воситаларидан иш жойига бориб-келиш, тиббий буюмлар, дори воситалари, озиқ-овқат ва биринчи галдаги маҳсулотларни харид қилиш учун ҳаракатланиши керак.
Эслатиб ўтамиз, Республика махсус комиссияси 30 май куни Ўзбекистоннинг туман ва шаҳарлари кесимида карантин даражасини қайта кўриб чиққан эди. Унга кўра, Самарқанд шаҳри, Оқдарё, Иштихон, Пайариқ, Пастдарғом, Самарқанд, Тойлоқ ҳамда Ургут туманлари «қизил» ҳудудга киритилган.
Мавзуга доир: Пайариқда коронавирусга чалинганларнинг 10 дан ортиғи тиббиёт ходими, икки нафари эса ўқувчи экани маълум қилинди
Изоҳ (0)