Кей-Лига. Ашурматов жамоаси мавсумдаги илк очкосини қўлга киритди. Турсунов жамоасида ҳам дуранг
Футбол бўйича Жанубий Корея чемпионатининг 4-туридан ўрин олган 30 май кунги учрашувлар якунланди.
«Кванжу» жамоаси ўз уйида «Улсан Ҳёндай»ни қабул қилди. Учрашувнинг 12-дақиқасида майдон эгалари Ом Вон Саннинг голидан кейин олдинга ўтиб олган бўлса, орадан ўн дақиқа ўтиб меҳмонлар мувозанатни тиклади.
Шу билан ҳисоб ўйин якунига қадар ўзгармади. Шу тариқа «Улсан» етакчига айланиб олиш имкониятидан фойдалана олмади. Ашурматов жамоаси эса мавсумдаги илк очкосига эга бўлди. Мазкур баҳсда ўзбекистонлик ҳимоячи Рустам Ашурматов захирада қолди.
Яна бир ўзбекистонлик ҳимоячи Достон Турсунов тўп тепадиган «Пусан Ай Парк» ўзида «Сувон»ни қабул қилиб нурсиз дурангга эришди. Учрашувда Турсунов тўлиқ ҳаракат қилди.
Пусанликлар мазкур дурангдан очколарини 2 тага етказди ва ҳали ҳам ғалабасиз серия қайд этмоқда.
Кей-Лига
4-тур баҳслари
30 май, шанба
«Канвон» — «Чонбук Motors» 1:0
Гол: 1:0 — 37 Ко Му Ёл.«Пусан Ай Парк» — «Сувон» 0:0
«Кванжу» — «Улсан Ҳёндай» 1:1
Голлар: 1:0 — 12 Ом Вон Сан, 1:1 — 22, автогол Ли Ҳан До.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
