Бокс бўйича собиқ Жаҳон чемпиони Майк Тайсон All Elite Wrestling’s Dynamite шоуси меҳмони бўлди.
У билан бирга кўрсатувда UFC’нинг амалдаги ва собиқ чемпионлари Витор Белфорт, Генри Сеҳудо ва Рашад Эванс ҳам иштирок этди.
Тайсон саҳнага чиқиб келди ва WWЕ юлдузи Крис Жерико билан ўзаро тортишувдан сўнг уни туртиб юборди. Ўз навбатида Крис ҳам унга жавоб қайтарди ва шоу вақтида оммавий муштлашиш бошланиб кетди. Ташкилотчилар ва бошқа иштирокчилар жангчиларни ажратишга муваффақ бўлди.
Эслатиб ўтамиз, 53 ёшли Тайсон кўргазмали жангларда иштирок этиш учун рингга қайтганини эълон қилди. У профессионал боксда 56 та жанг ўтказиб, уларнинг 50 тасида ғалаба қозонган (44 нокаут) ва олти бор мағлубиятга учраган.
