Қозоғистонда ўтган бир сутка ичида яна 322 кишида коронавирус аниқланди, деб хабар беради Tengrinews.

Фото: AFP

Мамлакат бўйлаб касаллар сонининг ортиши 4,2 фоизни ташкил этмоқда. Коронавирус юқтириб олиш бўйича янги ҳолатлар қуйида вилоятларда аниқланган:

  • Нур-Султон — 83 (5,7 фоиз);
  • Олмаота — 66 (3,3 фоиз);
  • Қарағанда вилояти — 43 (9,8 фоиз);
  • Чимкент — 34 (6,3 фоиз);
  • Жамбил вилояти — 20 (8,7 фоиз);
  • Олмаота вилояти — 16 (6,1 фоиз);
  • Атирау вилояти — 16 (1,9 фоиз);
  • Туркистон вилояти — 15 (5,7 фоиз);
  • Ақтўбе вилояти — 10 (4,1 фоиз):
  • Ғарбий Қозоғистон вилояти — 10 (2,8 фоиз);
  • Қизилўрда вилояти — 3 (1,1 фоиз);
  • Ақмўла вилояти — 3 (2,1 фоиз);
  • Костанай вилояти — 2 (1,8 фоиз);
  • Шарқий Қозоғистон вилояти — 1 (1,7 фоиз);
  • Павлодар вилояти — 1 (0,6 фоиз).

Шундай қилиб, Қозоғистонда коронавирусга чалинганларнинг жами сони 7919 кишига етди. Ҳозирга қадар 4096 нафар бемор даволанишга муваффақ бўлган, 35 киши эса COVID-19 қурбонига айланган.

Мавзуга доир: Қозоғистонда коронавирус билан боғлиқ ўлим даражаси нима сабабдан паст эканлигига изоҳ берилди

Қирғизистонда ўтган бир сутка ичида яна 15 кишида коронавирус аниқланди. Бу ҳақда мамлакат Соғлиқни сақлаш вазирлиги хабар берди.

Касалларнинг 12 нафари Бишкек шаҳри ҳисобига тўғри келмоқда, уларнинг тўққиз нафари аввалроқ Санкт-Петербургдан учиб келган. Шунингдек, Чуй, Ўш ва Жалолобод вилоятларида ҳам бир нафардан бемор қайд этилган.

Касалликка чалинганларнинг 10 нафари четдан кириб келган, қолганлари эса беморлар билан алоқада бўлганлар.

Бутун мамлакат бўйлаб COVID-19 коронавирус инфекциясини юқтириб олганлар сони 1365 кишига етди — уларнинг 14 нафари вафот этган, 957 нафари соғайган, 394 киши ҳозирда даволанмоқда. Таъкидланишича, 11 беморнинг аҳволи оғир, уларнинг тўрт нафари жонлантириш бўлимида.

Мавзуга доир: Тожикистонда COVID-19 билан касалланганлар сони 2551 нафарга етди

Ўзбекистонда 23 май соат 10:00 ҳолатига кўра коронавирус инфекцияси қайд этилганлар сони 3078 нафарни ташкил қилмоқда. Мамлакатда 2492 нафар коронавирус инфекциясига чалинган фуқаролар бутунлай соғайган. Ҳозирда 573 нафар бемор даволанмоқда, улардан 4 нафарининг аҳволи оғир.