Қозоғистонда ўтган бир сутка ичида яна 322 кишида коронавирус аниқланди, деб хабар беради Tengrinews.
Мамлакат бўйлаб касаллар сонининг ортиши 4,2 фоизни ташкил этмоқда. Коронавирус юқтириб олиш бўйича янги ҳолатлар қуйида вилоятларда аниқланган:
- Нур-Султон — 83 (5,7 фоиз);
- Олмаота — 66 (3,3 фоиз);
- Қарағанда вилояти — 43 (9,8 фоиз);
- Чимкент — 34 (6,3 фоиз);
- Жамбил вилояти — 20 (8,7 фоиз);
- Олмаота вилояти — 16 (6,1 фоиз);
- Атирау вилояти — 16 (1,9 фоиз);
- Туркистон вилояти — 15 (5,7 фоиз);
- Ақтўбе вилояти — 10 (4,1 фоиз):
- Ғарбий Қозоғистон вилояти — 10 (2,8 фоиз);
- Қизилўрда вилояти — 3 (1,1 фоиз);
- Ақмўла вилояти — 3 (2,1 фоиз);
- Костанай вилояти — 2 (1,8 фоиз);
- Шарқий Қозоғистон вилояти — 1 (1,7 фоиз);
- Павлодар вилояти — 1 (0,6 фоиз).
Мавзуга доир: Қозоғистонда коронавирус билан боғлиқ ўлим даражаси нима сабабдан паст эканлигига изоҳ берилди
Касалларнинг 12 нафари Бишкек шаҳри ҳисобига тўғри келмоқда, уларнинг тўққиз нафари аввалроқ Санкт-Петербургдан учиб келган. Шунингдек, Чуй, Ўш ва Жалолобод вилоятларида ҳам бир нафардан бемор қайд этилган.
Касалликка чалинганларнинг 10 нафари четдан кириб келган, қолганлари эса беморлар билан алоқада бўлганлар.
Бутун мамлакат бўйлаб COVID-19 коронавирус инфекциясини юқтириб олганлар сони 1365 кишига етди — уларнинг 14 нафари вафот этган, 957 нафари соғайган, 394 киши ҳозирда даволанмоқда. Таъкидланишича, 11 беморнинг аҳволи оғир, уларнинг тўрт нафари жонлантириш бўлимида.
Ўзбекистонда 23 май соат 10:00 ҳолатига кўра коронавирус инфекцияси қайд этилганлар сони 3078 нафарни ташкил қилмоқда. Мамлакатда 2492 нафар коронавирус инфекциясига чалинган фуқаролар бутунлай соғайган. Ҳозирда 573 нафар бемор даволанмоқда, улардан 4 нафарининг аҳволи оғир.
Изоҳ (0)