Америкалик қўшиқчи Билли Айлишнинг уйини Google Maps’дан кўрмоқчи бўлган мухлислар эндиликда фақат бежалган доғга дуч келмоқда. Бунга қўшиқчининг оиласини қўрқитиб қўйган ёқимсиз воқеа сабаб бўлган. Шу сабабли Билли Айлиш Google билан кўплаб юлдузлар орзу қиладиган алоҳида келишувга эришишга муваффақ бўлган, деб хабар беради Medialeaks.

Фото: Cosmopolitan

18 май куни Билли Айлишнинг уй манзили интернет тармоғида тарқалиб кетганидан сўнг, қўшиқчи Google Maps’дан уйининг 3D кўринишини беркитиб қўйишни сўраган. Эндиликда қўшиқчи оиласи билан яшайдиган Лос-Анжелесдаги уй ўрнида бежалган доғ турибди.

Фото: Google Maps

Тахминларга кўра, Айлишнинг бундай қилишига нотаниш шилқим йигитнинг уйи олдида тез-тез пайдо бўлиб қолгани ва бу ердан кетишдан бош тортиб, хатти-ҳаракатлари билан бутун оилани қўрқитгани сабаб бўлган. Шу каби ҳолатлардан кейин қўшиқчи судга мурожаат қилган ва йигитнинг ўзига 180 метрдан яқин келмаслиги бўйича расман ҳукм чиқартирган.

Маълумотларга кўра, Айлиш Google’дан ўзининг шахсий маълумотларига оид масалага эҳтиёткорлик билан ёндашишни сўраган ягона машҳур эмас. Сервис ўз харитасидан Пол Маккартни, Лили Аллен ва бошқа юлдузларнинг ҳам уйини «ўчириб ташлаган». Бундан ташқари, Google вакилларининг таъкидлашича, ҳар қандай одам компанияга мурожаат қилиб, харитадан ўз уйлари ёки шахсий ҳаётга дахл қиладиган бинони яшириб қўйишни сўраши мумкин.

Мавзуга доир: