Андижон вилоятининг Жалақудуқ туманида уйида марихуана гиёҳванд моддасини сақлаб келган шахсга нисбатан жиноят иши қўзғатилди, дея хабар беради «Дарё» мухбири.
Маълум бўлишича, 2020 йил 4 май куни вилоят ИИБ томонидан ўтказилган «Қорадори—2020» тадбири давомида Жалақудуқ туманида яшовчи фуқаро Ш.М. хонадонидан 840 грамм марихуана гиёҳванд моддаси борлиги аниқланган.
Туман ИИБ ҳамда ДХХ ходимлари «Иттифоқ» маҳалласида яшовчи фуқаро Ш.М. хонадонида бўлганида умумий оғирлиги 775 грамм бўлган ҳўл ҳолатдаги ва 65 грамм қовурилган марихуана гиёҳванд моддасини топган.
Ҳолат юзасидан Жалақудуқ тумани ИИБ ҳузуридаги тергов бўлими томонидан Ш.М.га нисбатан Жиноят кодексининг 276-моддаси 2-қисми «а» банди (Гиёҳвандлик воситалари ёки психотроп моддаларни ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар) билан жиноят иши қўзғатилган.
Ҳозирда дастлабки тергов ҳаракатлари олиб борилмоқда.
Изоҳ (0)