Ўзбекистонда 7 май соат 10:00 ҳолатига кўра коронавирус инфекциясини юқтириб олганлар сони 33 кишига кўпайиб, 2266 нафарга етди, дея хабар бермоқда Соғлиқни сақлаш вазирлиги.
Маълумот учун, мамлакатда коронавирусга чалинганлар сонига доир сўнгги маълумотлар 6 май куни соат 23:00 да эълон қилинган, ўшанда касалланганлар сони икки кишига кўпайиб, 2233 кишига етгани маълум қилинган эди.
Қайд этиш жоиз, сўнгги бир ҳафта ичида Ўзбекистонда касалланиш ҳолатлари сони сезиларли камайган эди. Хусусан, 1 май куни 47 киши, 2 май куни 32 киши, 3 май куни 31 киши, 4 май куни 40 киши, 5 май куни 18 киши, 6 май куни 26 кишида коронавирус аниқланган эди.
Айнан касалланиш ҳолатлари сони камайиб, эпидемиологик вазият барқарорлашиб бораётгани муносабати билан, Ўзбекистон ҳукумат карантин чораларини юмшатишга қарор қилган, мамлакат ҳудудлари «қизил», «сариқ» ва «яшил» ҳудудларга ажратилган.
Ўзбекистонда 15 мартдан буён 1577 киши коронавирусдан соғайган, 10 киши эса инфекция асоратлари оқибатида вафот этган.
Изоҳ (0)