АОКА ҳузуридаги штабда ташкил этилган брифингда Ички ишлар вазири матбуот котиби Шоҳруҳ Ғиёсов 25 апрель ҳолатига кўра жами 66 415 нафар фуқаро уй шароитидаги карантинда сақланаётгани, Тошкент шаҳрининг ўзида улар 6 355 нафарни ташкил этаётганини айтиб ўтди.
Мавзуга доир: Ўзбекистонда 20 кун ичида карантин қоидаларини бузган 918 киши судланди, 421 киши 246 млн сўм жаримага тортилди
Шоҳрух Ғиёсов карантиндаги ҳар бир оилага бириктирилган куч тузилмалари вакилларининг асосий вазифаси карантинда қолаётган шахсларнинг бошқа шахслар билан алоқасининг олдини олиш, уйдан чиқишига йўл қўймаслик эканини айтиб ўтди.
«Шунингдек, ички ишлар ходимлари масофани сақлаган ҳолда керакли тавсиялар бериши кўзда тутилган, улар карантин қоидаларини бузганларга чора кўриш ҳуқуқига эга. Зарурат туғилганда хизмат вазифаларидан келиб чиққан ҳолда керакли ёрдам кўрсатишлари мумкин», — деди матбуот котиби.
Аввалроқ Ўзбекистонда карантин қоидаларига амал қилмаганлар сони 83 мингдан ошгани ҳақида хабар берилган эди. Эслатиб ўтамиз, Республика махсус комиссияси томонидан коронавирус инфекцияси кенг тарқалишининг олдини олиш мақсадида ҳозирга қадар жорий этилган барча карантин чекловлари 2020 йилнинг 10 майига қадар узайтирилди ва мазкур даврда амалга ошириладиган қўшимча чора-тадбирлар эълон қилинди.
Изоҳ (0)