Самарқанд вилояти Пайариқ тумани ҳокими Дилшод Мусинов Туркияда хизмат сафарида бўлиб қайтгани сабабли карантинга олинган. Бу ҳақда туман ҳокимлиги ахборот хизмати хабар берди.
Маълум қилинишича, фуқаролар томонидан туман ҳокими карантин эълон қилинмасидан олдин Туркияга кетгани ва айни пайтда унинг қаерда эканлиги ҳақидаги саволлар келиб тушган.
Вазирлар Маҳкамасининг 2020 йил 23 мартда қабул қилинган, чет давлатлардан қайтган фуқаролар 14 кун давомида уйда ёки махсус белгиланган жойда изоляцияда бўлиши кераклиги ҳақидаги қарорига асосан, туман ҳокими айни пайтда карантин муддатини ўтамоқда.
Туман ҳокимлиги томонидан таъкидланишича, Дилшод Мусиновнинг соғлиғида ҳеч қандай салбий ўзгаришлар йўқ ва карантин даври тугагандан сўнг яқин кунларда иш фаолиятини бошлайди.
Мавзуга доир: Бош давлат санитария инспектори: «Хориждан келганига бир ой бўлган фуқаро карантинга мажбурий тартибда жойлаштирилмайди»
Изоҳ (0)