Япониянинг Йокогама портида карантинда турган Diamond Princess саёҳат кемасининг йўловчиларидан бири — Сергей Попов ҳамюрти коронавирусни юқтириб олгани ҳақида бир неча соат олдин хабар топганини маълум қилди, деб хабар беради «РБК».
«Эртага барчаси маълум бўлади (профилактика чоралари)», — дейди Попов. Унинг таъкидлашича, вирусни юқтириб олган Россия фуқаросининг исмидан хабардор эмас.
Йўловчилардан яна бири — Ксандр Сонинг айтишича, коронавирус тарқалишининг олдини олиш ва карантин сабаб йўловчиларга каюталардан чиқиш тақиқланган. У ҳам кемадаги россияликлар билан таниш эмаслигини, коронавирусга айнан ким чалинганини билмаслигини айтган.
«Биз каюталаримизда қолишимиз керак. Ундан чиқиш мумкин эмас, бироқ бир соатга ҳар бир қаватда бўлган ҳудудга режа бўйича чиқишимизга рухсат берилган. Каютадан чиққанимиз ёки эшикни очганимизда ниқоб тақишимиз шарт. Бошқа йўловчилар билан 60 сантиметр масофа сақлаган ҳолда гаплашиш мумкин. Нонушта, тушлик ва кечки овқатни каюта эшигига олиб келишмоқда», — дейди Ксандр Со.
Мавзуга доир:
Изоҳ (0)